<h3 style="text-align: justify;"><span style="font-size: 18pt;">سهركردهیهكێ رێكخراوا بهدر ئهوا ژلایێ هادى عامرى ڤه دهێته برێڤهبرن راگههاند، ئهو رێكخراوه پشكدارییێ دخۆپیشاندانێن ئهڤرۆ یێن چارچووڤێ ههماههنگییێ دا ناكهت.</span></h3> <h3 style="text-align: justify;"><span style="font-size: 18pt;">ئهڤرۆ دووشهمبى ئێكى تهباخا 2022ێ سهركردهیێ رێكخراوا بهدر محهمهد بهیاتى بۆ مالپهرێ بهغداد ئهلیهوم دیاركر، رێكخراوا بهدر دوێ باوهرییێ دایه خۆپیشاندانێن ئهڤرۆ دێ رهوشا سیاسى یا وهلاتى خرابتر لێكهت، لهوما ب بریارا هادى عامرى پشكدارییێ ناكهت.</span></h3> <h3 style="text-align: justify;"><span style="font-size: 18pt;">ئهڤ بریارا رێكخراوا بهدر د دهمهكى دا هات، كو هادى عامرى داخوازا دانوستاندنان ژ موقتهدا سهدرى بۆ ب دووماهى ئینانا ئالوزى و كێشهیان كربوو، لێ دووڤدا وهزیرهكێ سهدرى ب ناڤێ سالح محهمهد بهلاڤكربوو، سهدرى سێ مهرج بۆ دانوستاندان ههنه و ئێك ژ وان ڤهكێشانا هادى عامرى ژ خۆپیشاندانێن چارچووڤێ ههماههنگییێ بوو.</span></h3>
