د.جوتیار عادل، سەرۆکێ فەرمانگەها میدیا و زانیاری پەیڤدارێ حکومەتا هەرێما کوردستانێ گرنگترین کاروچالاکییێن شەش مەهێن ئێکێ یێن سالا2022 یێن حکومەتا هەرێما کوردستانێ بەرچاڤکرن و ئاماژەکر، حکومەتا هەرێمێ دێ بەردەوام بیت د پێشکێشکرنا پرۆژێن خزمەتگوزاری دا بۆ وەلاتییێن هەرێما کوردستانێ.
پشکەک ژ دەقێ گوتارا د. جوتیار عادل:
وەلاتییێن خوشتڤی کابینا نەهێ یا حکومەتا هەرێما کوردستانێ، د شەش مەهێن دەربازبووی دا، چەندین پرۆژێن گرنگ ئەنجامداینە ل ڤێرێ ب پێدڤی دزانین ئاماژە ب یێن گرنگ بکەین.
د بوارێ مووچەی دا، حکومەتا هەرێما کوردستانێ مەهانە پێدڤی ب زێدەتری 900 ملیار دیناران هەیە بۆ تەرخانکرنا مووچێ مووچەخوران.
د دەمێ شەش مەهێن دەربازبووی دا عکومنەتا هەرێمێ کوژمێ 5 ترلیون دیناران بۆ دابینکرنا مووچەی تەرخان کرییە، د بەرامبەر دا حکومەتا فیدڕالی بتنێ کوژمێ 400 ملیار دیناران هنارتییە، ددەمەکی دا ل گۆرەی رێککەفتنا دناڤبەرا هەولێر و بەغدا دا پێدڤی بوو مەهانە 200 ملیار دیناران بهنێریت.
حکومەتا هەرێمێ ژ داهاتێ نەفتێ ژی پێشتر مەهانە 350 ملیۆن دینار بۆ دابینکرنا مووچەی د مەزاختن، بەلێ ژ ئەگەرێ وان چاکسازییێن کو د کەرتێ وزێ دا بگشتی هاتینە کرن، نوکە مەهانە 500 ملیۆ دۆلار ڤەدگەرنە خزینا حکومەتێ.
