<h2 style="text-align: justify;"><span style="font-size: 18pt;">فازڵ میرانی سكرتێرێ مه‌كته‌با سیاسى یا پارتى دیموكراتى كوردستان دگه‌ل ئاماژه پێكرن ب روودانێن ڤێ دوماهیێ یێن گوره‌پانا سیاسی ل عیراقێ، دوپات ل هندێ كر هه‌لوه‌شاندنا په‌رله‌مانى نه‌یا ب ساناهیه.</span> <span style="font-size: 18pt;">ل 3ى ته‌باخێ، موقته‌دا سه‌در رێبه‌رێ ره‌وتا سه‌در، د كوتاره‌كێ دا داخوازا هه‌لوه‌شاندنا په‌رله‌مانێ عیراقێ كر و ئه‌نجامدانا هه‌لبژارتنێن پێشوه‌خت كر.</span> <span style="font-size: 18pt;">سه‌در د گوتارا خودا گوت: ب رێكا پرۆسه‌كا دیموكراتى ئاشتیخواز و شوره‌شگێر داخوازا چاكسازیێ دكه‌ین، ئه‌ڤه پشتى هه‌لوه‌شاندنا جڤاتا نونه‌رێن عیراقێ یه و برێڤه چوونا هه‌لبژارتنێن پێشوه‌خت.</span> <span style="font-size: 18pt;">فازل میرانى سكرتێرێ مه‌كته‌با سیاسى یا پارتى دیموكراتى كوردستان د چله‌یا ماته‌مینى یا شه‌فیق زرارى كارگێرێ لقا 16 یا پارتى دیموكراتى كوردستان بحس ل ره‌وشا سیاسى یا عیراقێ كر، به‌لێ هه‌لویستێ دیار یێ پارتی دیموكراتی كوردستان لدور هه‌لوه‌شاندنا په‌رله‌مانى و ئه‌نجامداناهه‌لبژارتنێن پێشوه‌خت ئاشكرا نه‌كر، تنێ دووپاتى ل هندێ كر ، "هەلوەشاندنا پەرلەمانى نه یا ب ساناهیه".</span> <span style="font-size: 18pt;">میرانى د ئاخفتنێن خویێن ئه‌ڤرۆ دا گوت: هه‌مى لایه‌نین عیراقى چاڤێ وان ل سه‌رۆك بارزانیه.</span></h2>
