كه‌یسا وان ئه‌فسه‌رێن كه‌ركووكێ یێن پشكدارى ریفراندومێ بووین هاته‌ داخستن

دادگه‌ها له‌شكه‌رى یا مووسلێ د دووماهى روونشتنا خوه‌دا، دادگه‌هكرنا هژماره‌كا ئه‌فسه‌رێن رێڤه‌به‌رییا پۆلیسێن كه‌ركووكێ ئه‌وێن كو پشكدارى دریفراندوما سالا 2017ێ دا كرى داخست.

ئه‌ڤرۆ دووماهى روونشتنا دادگه‌هكرنا 54 ئه‌فسه‌رێن رێڤه‌به‌رییا پۆلیسێن كه‌ركووكێ ب رێڤه‌چوو، و هه‌روه‌كو دهاته‌ پێشبینیكرن كه‌یس دبه‌رژه‌وه‌ندییا ئه‌فسه‌راندا بدووماهى هات.

به‌رى نوكه‌ وه‌زیرێ نافخۆ یێ عیراقێ لیبوورینا گشتى ل سه‌ر ڤى بابه‌تى ده‌ركربوو، له‌وما ئه‌ڤرۆ روونشتنێن دادگه‌هكرنا ئه‌وان ئه‌فسه‌ران ژى ب داخستنا ب ئێكجارى ب دوماهى هاتن، و ئه‌و ئه‌فسه‌ره‌ دێ ل سه‌ر ده‌وامێن خوه‌ دبه‌رده‌وام بن.