<h3 style="text-align: justify;"><span style="font-size: 18pt;">جڤاتا پیرێن ئه‌مریكا و په‌رله‌مانێ ئیتالیا ئه‌ندامبوونا سوێد و فینله‌ندا ل ناتویێ په‌سه‌ندكر، و هه‌ردوو وه‌لات پێنگاڤه‌كا دى ژ هه‌ڤپه‌یمانییا 30 وه‌لاتێن له‌شكه‌رى نێزیكبوون، كو رووسیا دبێژیت ئه‌و هه‌ڤپه‌یمانییه بۆ رووبرووبوونا موسكۆ هاتییه درووستكرن.</span></h3> <h3 style="text-align: justify;"><span style="font-size: 18pt;">ل شه‌ڤا بوورى جڤاتا پیرێن ئه‌مریكا پرۆژه‌یێن ئه‌ندامبوونا هه‌ردوو وه‌لاتان ل ناتویێ ب 95 ده‌نگێن به‌لێ، و ئێك ده‌نگ بۆ هه‌مواركرنا به‌لگه‌نامه‌یێن ئه‌ندامبوونێ ده‌ربازكر.</span></h3> <h3 style="text-align: justify;"><span style="font-size: 18pt;">ل مه‌ها بوورى ناتۆیێ پرۆتۆكۆلا ئه‌ندامبوونا هه‌ردوو وه‌لاتان ئیمزاكربوو، كو هه‌ر 30 وه‌لاتێن ئه‌ندام ئیمزا ل سه‌ر ئه‌ندامبوونا سوێد و فینله‌ندا كربوو، لێ سوێد و فنله‌ندا به‌رامبه‌ر ئاسته‌نگه‌كا مه‌زنن، كو ل سه‌ر وان پێدڤییه سه‌رۆكێ توركیا ره‌جه‌ب ته‌یت ئه‌ردوگانى ل سه‌ر ئه‌ندامبوونا خوه رازى بكه‌ن، و سه‌رۆكێ توركیا دبێژیت : هه‌تا هه‌ردوو وه‌لات پشته‌ڤانییا خوه بۆ یه‌په‌گه و په‌كه‌كێ نه‌راوه‌ستینن، نابنه ئه‌ندامێن هه‌ڤپه‌یمانییا ناتویێ.</span></h3> <h3 style="text-align: justify;"></h3>
