كازمى : دبه‌رهه‌ڤین ده‌ستهه‌لاتێ راده‌ست بكه‌ین

سه‌رۆك وه‌زیرێن عیراقێ مسته‌فا كازمى داخواز ژ لایه‌نێن سیاسى كر خوه‌ بكه‌نه‌ قوربانى و ئه‌و یێ به‌رهه‌ڤه‌ كورسییا خوه‌ بۆ حكومه‌تا نوو بهێلیت.

كازمى دیاركر، پشتى هه‌لبژارتنان عیراق رووبروو كێشه‌یه‌كا سیاسى بوویه‌ و پێدڤى ب چاره‌سه‌رییێ یه‌، باشترین چاره‌ ژى دانوستاندنێن سه‌ركردێن سیاسینه‌ كو پێدڤییه‌ قوربانییێ بده‌ن.

سه‌رۆك وه‌زیرێن عیراقێ ئاماژه‌ ب هندێ ژى دا، شاشییه‌ ئه‌گه‌ر بێژن ئه‌ڤ حكومه‌ته‌ ئه‌گه‌رێ كێشه‌یایه‌، ژ ده‌ستپێكێ وان راگه‌هاندییه‌ كو دبه‌رهه‌ڤن ده‌ستهه‌لاتێ راده‌ستى حكومه‌تا هاتییه‌ هه‌لبژارتن بكه‌ن، ئه‌گه‌ر لایه‌ن دكۆكبن ژى ئه‌و دبه‌رهه‌ڤن ده‌ست ژ كار بكێشن.