مەکتەبا سیاسی یا پارتی دیموکراتی کوردستان ب هەلکەفتا (76) سالییا دامەزراندنا پارتی دیموکراتی کوردستان بەیاننامەک بەلاڤکر
دەقێ بەیاننامێ:
وەلاتییێن خوشتڤی یێن کوردستانێ
مالباتێن سەربلندێن شەهیدان و پێشمەرگێن قەهرەمان یێن کوردستانێ
کادر و ئەندام و دۆست و پشتەڤانێن قەدرگران یێن پارتی دیموکراتی کوردستان
ئەڤرۆ 16 ئابە، ڕۆژا مەزن و پڕشنگدار و بەرھەمدار یا گەلێط مە، کو پارتی دیموکراتی کوردستان تێدا هاتیە دامەزراندن و د هەمان رۆژ ژی دا رێزدار سەرۆک مەسعود بارزانی تێدا ژ دایکبوو و چاڤێت خۆ ل ژیانێ ڤەکرن، ل دەستپێکێ ب دلەکێ پڕ ژ هیڤیڤە، ب هیڤییا بەرەڤ داهاتییەکی گەشتر، پیرۆزباهییێ ل دلێرێن گەلێ، رێزدار سەرۆک بارزانی، نشتیمان پەروەر و ئازادیخوازان دکەین.
ل 16 ئابا سالا 1946، دناڤ تارییاتییا زولم و رۆژگارێن پڕ ژ سیستەمێ وی دەمی و د وەرچەرخانەکا دیروکی دا، پارتی دیموکراتی کوردستان هاتە دامەزراندن و سەرکێشییا خەباتەکا پرشەنگدار ژ پێخەمەت ئازادییا گەل و ئاخ و نشتیمانی ب ستویێ خۆ ڤە گرت و ژ وی دەمی تا نوکە، ئانکو 76 سالە ب دەستو ملێن خۆ د سەنگەرێن پێش یێن قوربانیدانێ دایە و بوویە ناسناما کوردایەتییێ و قوناغ ل دویڤ قوناغێ، ل گۆرەی دەرفەت و مەرجان و دەرفەتان دەستکەفتێن مەزن یێن هەمە لایەنی بۆ گەلێ کوردستانێ ب دەستڤە ئیناینە، کو ئەڤرۆ ب شانازیڤە بیرەوەرییێ بۆ دکەین، ژ وان: جارەسەرکرنا گرێیا سایکۆلۆژیا بن دەستی و دروستکرنا ھیڤیا بۆ داهاتویێ گەلی، ئەنجامدانا شۆڕشا مەزنا ئەیلولێ و قوربانیێن وێ و رێککەفتنناما یازدەی ئادارێ، چۆکدادان ب پیلانا شوومی یا جەزائیر و شکاندنا نسکۆ و ئەنجامدانا شۆڕشا گوڵانا نشتیمانی، کو بۆ وی دەمی و نوکە ژی یا پڕە ژ هێز و هیڤییا و رابوونا نەتەوەییانە و نشتیمانیانە،داڕشتنا پلان و نەخشێ حەکیمانە یێ سەرهلدانا ئادارا سالا 1991 و سەرکێشیکرنا بەرەیێ کوردستانی ژ لایێ ڕێزدار سەرۆک مەسعود بارزانی و پاشی خاوەندارییەتییا ئێکەم مانیفێستی ھەڵبژارتنێن دیموکراسییانە یێن گەلی، کو سەرۆک مەسعود بارزانی د گوتارە خۆ یا دیروکی دا ل رۆژا 22 ئادارا سالا 1991 ل باژێێرکێ کویە پێشکێشکر، شکاندنا سوپایێ رژێما بەعس پشتی رەڤا ملیۆنی، پشکداریکرن د ئەزموونا ئێکێ یا پەرلەمان و حکومەتا هەرێما کوردستانێ و بلندکرنا سازییێن دی یێن کوردستانێ و بڕیارا فیدڕالیەتێ، پشکدارییا کارا د پرۆسا ژناڤبرنا رژێما بەعس و پرۆسا دامەزراندنا عیراقا نوو و نڤیسینا دەستوورێ عیراقێ، بەرهەنگاربوونا مەردانە یا رێکخراوا تیرۆرستی یا داعش، تاجا دەستکەفتان ژی ریفراندوما سەربەخۆییێ بوو، کو تا هەتایێ جهێ شانازییا نشتیمانپەروەرێن کوردستانێ یە و وەک ستێرەکا رۆهن دێ ل ئاسمانێ کوردستانێ روناهییێ دەت.
جەماوەرێ خوشتڤی یێ کوردستانێ
پارتی دیموکراتی کوردستان، ب مفا وەرگرتن ژ جیهان بینییا (مستەفا بارزانی) ڕابەرێ نەتەوە و دامەزرێنەرێ پارتی، ل ڕۆژا گەش یا دامەزرداندنێ و تا نوکە خەباتێ دکەت ژ پێخەمەت ئاشتی، ئازادی، دیموکراسی، پێکڤە ژیانا ئایینی و نەتەوەی و سیاسی، ھەروەسا کار دکەت ژ پێخەمەت پێشکەفتنا جڤاکی و دەستەبەرکرنا ئابووری و گەشەکرنا کلتوری، و دابینکرنا باشترین ژیان بۆ وەلاتییان، ژ پێخەمەت وان ئارمانجان ژی بەردەوام دگەل حکومەتا هەرێما کوردستانێ و حکومەتا فیدڕال یا عیراقێ د کار و بزاڤان دایە بۆ کوردستانەکا بهێز و ژیانەکا باشتر.
وەلاتییێن خوشتڤی
کادر و ئەندام و دۆست و پشتەڤانێن ھێژا یێن پارتی دیموکراتی کوردستان
د دەمەکی دایە کو ئەڤێ هەلکەفتا ب رێز بلند و پیرۆز رادگرین، دەڤەر و عیراق و کوردستان د قۆناغەکا هەستیار و پڕ ئەرک دا دەرباز دبیت، ئاریشێن سیاسی و ئابووری د زێدەبوونێ دانە، لەورا پێدڤییە ئەم هەمی پێکڤە بەرەڤ چارەسەرییان پێنگاڤان بهاڤێژین، بەرژەوەندییێن بلند ببینین و د پەنجەرا مەزن دا بەرێخودانا ئەرکێ نوکە و هەردەمی بکەین، رویێ پارتی دیموکراتی کوردستان وەکی هەمی دەمان ل ئاشتی و چارەسەری، ئێکرێزییا ناڤخوی دایە و دگەل بەغدا ژی دەستوورێ هەر دەمی یێ عیراقێ و رێککەفتن و سازان ب بنەمایێ چارەسەرییێ دزانیت و ژ پێخەمەت وێ ژی ماندی نابیت و دێ هەمی بزاڤێن خۆ یێن سیاسی و دبلوماسی ئێخیتە کار و ب جدی دێ ژ پێخەمەت کاری کەت.
دڤێ بیرەوەرییا پیرۆز دا رێزگرتنێ بۆ گیانێ شەهیدێن کوردستانێ د هنێرین، ئەوان شەهیدێن سەر بلند یێن ب خوینا خۆ کوردستان د بلنداهیێ دا هێلای، بسەرێ بلند و بەژنا پڕ شانازییا پێشمەرگێن قەهرەمان یێن کوردستانێ د نێڕین و سلاڤێن شانازیێ بۆ د هنێرین، دەرفەتەکا زێرینە سوپاسییا و دلسوزی و ئەرک کێشانا سەرکردایەتی و کادر و ئەندام و دوست و پشتەڤانێن پارتی دیموکراتی کوردستان بکەین، کو د دژواریێ دا پێشمەرگەنە و د ئاشتییێ دا چرانە و د دەمێ هەلبژارتنان دا دەنگێ مسوگەر یێ سەرکەفتنێ نە و ئیرادێ بۆ نفشێن خۆ ڤەدگوهێزن.
سەرکەفتن بۆ گەلێ کوردستانێ، بۆ پارتی دیموکراتی کوردستان، کو ژ پێخەمەت گەلێ کوردستانێ و بجهئینانا هیڤی و خەونێن دێرین هاتیە دامەزراندن.
ب رێز و بلند بیت (16 ئاب)، ڕۆژا مەزن و پڕشنگدار و بەرھەمدار یا گەلێ کوردستانێ.
