<h2 style="text-align: justify;"><span style="font-size: 18pt;">مه‌سرور بارزانى، سه‌رۆكێ حكومه‌تا هه‌رێما كوردستانێ ب هه‌لكه‌فتا 76 سالیا دامەزراندنا پارتی دیموکراتی کوردستان و ڕۆژا ژدایكبوونا سەرۆك بارزانی، پیرۆزباهیێن گەرم ئاراستەی سەرۆك و سەرکردایەتی و ئەندام و لایەنگر و دۆستێن پارتی دیموکراتی کوردستان كر و هیڤى خواست وەك هه‌رجار، پارتی بەردەوام د پێشکەفتن و پێشەنگایەتیێدا بیت، هه‌روه‌سا مه‌سرور بارزانى گۆت: د سالیادا دامەزراندنی پارتیدا، سلاڤ ل دامەزرێنەرێ پارتی و ڕێبەرێ نیشتمانێ مه مستەفا بارزانیی نەمر و کاك ئیدریسی هه‌رده‌م ساخ و گشت شەهیدێن کوردستانێ.</span></h2> <h2 style="text-align: justify;"><span style="font-size: 18pt;">مه‌سرور بارزانى، سه‌رۆكێ حكومه‌تا هه‌رێما كوردستانێ د په‌یاما خوه دا ڕاگه‌هاند، 76 ساله پارتی، وەك حزب و لڤینا جەماوەری و کوردستانێ، بێ راوه‌ستیان ڕابەرایەتا بزاڤا رزگاریخوازا کوردستانێ دكه‌ت و هه‌تا نوكه بەردەوامە د خەبات و تێکۆشانێ ل پێناڤ دەستەبەرکرنا مافێن نەتەوەیی و نیشتمانی و پاراستنا دەستكه‌فتێن گەلێ کوردستانێ.</span></h2> <h2 style="text-align: justify;"><span style="font-size: 18pt;">مه‌سرور بارزانى گۆت: د قۆناغێن جودا یێن خەبات و تێکۆشانا پارتی، سەڕەڕای هەمى هێرش و پیلانێن دوژمن و نه‌حەزان و رۆژێن دژوار د بەرگریێدا، پارتی بتنێ بۆ ئێك ده‌مژمێر ژى ده‌ست ژ مافێن خەلكێ کوردستان ده‌به‌ردایه و هەر ده‌مێ هێرش بۆ سەر کوردستان هه‌بیت، پارتی وەك هه‌رجار د سەنگەرێن ده‌سپێكێدا به‌ره‌ڤانى ژ كوردستانێ كرییه ژبه‌ر ئه‌ڤێ چه‌ندێ ئەندامێن پارتی شانازیێ دكه‌ن و سه‌ربلندن، خودان حزبه‌كا نیشتمانی و رێبەر و سەرۆکن و هه‌رده‌م د سەنگەرێن ده‌سپێكێ دگه‌ل پێشمەرگه‌یێن قاهره‌مان بۆ بەرەڤانیکرن و بلندراگرتنا رێزا وه‌لاتیێن کورستانێ.</span></h2> <h2 style="text-align: justify;"><span style="font-size: 18pt;">سه‌رۆكێ حكومه‌تا هه‌رێما كوردستانێ دیاركر: شانازییەکا دى یا دیرۆكا تژى ژ سه‌رفه‌رازیا پارتی وەك حزبه‌كا کوردستانێ، ئەوە بەردەوام به‌ره‌ڤانى ژ مافێن مروڤى و مافێن گشتى پێکهاتێن نەتەوەیی و ئایینی دكه‌ت و هه‌رجار مافێن هه‌مى ته‌خێن جڤاكى و پێکهاتێن کوردستانێ پاراستینه، پارتی بەردەوام کاردكه‌ت ل پێناڤ پێشڤه‌برنا کولتووری پێكڤه‌ژیانا ئاشتییانە و بهێزكرنا فەرهەنگا لێبورینێ ل کوردستانێ.</span></h2>
