نێچیرڤان بارزانى، سه‌رۆكێ هه‌رێما كوردستانێ ب هه‌لكه‌فتا 76 سالیا دامەزراندنا پارتی دیموکراتی کوردستان ب گه‌رمى پیرۆزباهیێ ل سەرۆك مه‌سعود بارزانی، مه‌كته‌با سیاسى و سەرکردایەتی و هه‌مى ئالیگرێن پارتى وخودان سه‌ربلندێن شه‌هیدان، پێشمه‌رگه‌یێ قه‌هره‌مان، كادر، ئەندام، لایەنگرێن دلسۆز، جه‌ماوه‌رێ پارتی و گه‌لێ كوردستانێ ب گشتى كر.
نێچیرڤان بارزانى، سه‌رۆكێ هه‌رێما كوردستانێ د په‌یاما خوه دا ڕاگه‌هاند، سالیادا دامەزراندنا پارتی دیموکراتی کوردستان، بلندراگرتن و دیرۆكه‌كا گرنگ یا بەرخودان و خۆراگریا شۆره‌شگێرانە و ڕێزگرتنە ل خه‌بات و قوربانیدانا گەلێ کوردستانێ كو ل ژێر سه‌ركردایه‌تی و ئالایی پارتیدا خه‌بات و تێكۆشان بۆ ئازادى و ڕزگاریێ كرییه و قوربانى داینه.
نێچیرڤان بارزانى گۆت: پارتی دیموکراتی کوردستان وەك پێدڤییه‌كا دیرۆكى د رۆژه‌كا دژواردا ب سه‌ركرایه‌تیا بارزانیێ نه‌مر و ل سەر دەستێ کۆمەك ژ خه‌باتكه‌رێن كوردستانێ كو خه‌ون و خۆزى و هیڤیێن گه‌لێ كوردستانێ هاته دامه‌زراندن ب به‌رنامه‌كێ سیاسیی ڕزگاریخواز و هه‌مى ته‌خێن جڤاكى و پێكهاتێن گه‌لێ كوردستانێ كۆمكرى.
سه‌رۆكێ هه‌رێما كوردستانێ دیاركر: پارتی دیموکراتی کوردستان هه‌رده‌م هەلگرێ بیروباوەره‌كێ نیشتمانی ئاشتیخواز و دیموکراسیخواز بوو و ئەزموونا سالانه یا دویر و درێژه و سه‌لماندنا ئەوێ راستیێ یه کو پێکڤەژیانا ئاشتیانە و ئێكدووقه‌بویلكرنێ و لێبوورینێ ل بنەمایێ سەرەکی یێن که‌لتوورێن سیاسییێ، داکۆکیکرن ل مافێن هەمى پێکهاتێن جودا یێن نه‌ته‌وه‌یى و ئایینی، باوه‌ریه‌كا نەگۆڕ یا پارتییه و قوربانیێن مه‌زن ژ بۆ ئه‌ڤێ چه‌ندێ داینه.
