<h3 style="text-align: justify;"><span style="font-size: 18pt;">دهستهیا گهشتوگوزارا ههرێما كوردستانێ ههموو هوتێل، مۆتێل، كافێ، ریستورانت و ئهو جهێن گهشتیارى یێن كو خزمهتگوزارییێن گهشتیارى تێدا دهێنه پێشكێشكرن پابهند دكهت، كو پێدڤییه زمانێ كوردى بكهنه زمانێ سهرهكى د لیستهیا پێشكێشكرنا خوارنان و تابلۆیێن بازرگانى یێن جهان دا، و 15 رۆژ وهكو مولهت بۆ بجهئینانا ئهڤێ بریارێ داینه.</span></h3> <h3 style="text-align: justify;"><span style="font-size: 18pt;">دفهرمانا دهستهیا گهشتوگوزارێ دا ئهوا ژ حهفت خالان پێكدهێت هاتییه، ههموو ئهو جهێن مولهتێن گهشتیارى ههین هاتینه پابهند كرن كو پێدڤییه زمانێ كوردى یێ سهرهكى بیت و دووڤدا ههر زمانهكێ دى یێ بیانى بهێت.</span></h3> <h3 style="text-align: justify;"><span style="font-size: 18pt;">ههروهسا ههموو رێڤهبهرییێن گشتى و لژنهیێن تایبهت هاتینه راسپاردن دوڤچوونا بجهئینانا ئهڤێ بریارێ بكهن، و جزایێن ههموو سهرپێچكاران ب داخستنا جهێن ئهوان بۆ ماوێ سێ رۆژان دهستپێبكهن، و ئهگهر سهرپێچى هاته دووبارهكرن، جهێ سهرپێچكارى دێ بۆ ماوێ حهفت رۆژان هێته گرتن و رهنگه جزا بگههیته راوهستاندنا جهێ وى یێ گهشتیارى.</span></h3>
