ژ ئەنجامێ بەرھنگاریکرنا رژێمێن شوفینست دوژمنێن گەلێ مە ھەمی رێک و شێوازێن قرکرنێ و ژناڤبرنێ بکار ئیناینە، کیمیا باران و ئەنفال گوپیتكا ھوڤەتییێ بووینە ب مەرەما بێدەنگ کرنا دە نگێ ئازاد و رزگارییێ، و ئەڤ سیاسەتا ھوڤانە یا ئاراستە کری بوو دژی مروڤ و سروشتێ کوردستانێ.
سەرەرایی ڤێ ھوڤەتییێ گەلێ کوردستانێ بێ ئومێد نەبوو، بەروڤاژی رژدتر و پتر خوراگر بوویە ب درێژە دانا خەباتا خوه تا سەرھلدان و ئازادیا ئەڤرۆ یا ھەرێما کوردستانێ. ھەژی گوتنێ یە تا ئەڤرو سیاسەتێن دوژمنێن شوفینیست دبەردەوامن بو ژناڤبرنا پرسا کورد ب رێیا پیلان و گەفێن راستەوخۆ ل سەر دەستکەفتێن خەلکێ کوردستانێ.
ل یادا ڤان کارەساتان رێزگرتن ل قوربانی و فیداکارییا خەلکێ کوردستانێ ب جوداھیێن خوه یێن ئاینی و نەتەوەیی کو پێکڤە شیاینە ل ئاستێ بەرخۆدان و خۆراگریێ بن بو پاراستنا ڤان دەستکەفت و زامنکرنا ئێکرێزییا کوردستانێ، دیسان پێداگیرییێ دکەین کو ھەمی بزاڤ و کار بھێنە ئەنجامدان ژ پێخەمەت ڤەگەراندنا گورێن قوربانیێن ئەنفالێن بادینان ب ھەژیترین شێوە ل ئاخا کوردستانێ بھێنە شاد کرن ب مێنومێنت، و درندایەتیسا ڤێ تاوانێ وەک خالەکا رەش د دیروکا دوژمنێن گەلێ مەدا بھێتە تۆمارکرن و ببیتە وانەیەکا دیروکی بۆ زاروکێن گەلێ مە.
سەربەرزی بۆ گیانێ شەھید و قوربانیێن ئەنفالا بەھدینان و تەڤایا شەھیدێن رێیا رزگاریخوازا کوردستانێ و سەر کاروانێ وان بارزانیێ نەمر.
