ئهڤرۆ ئێكشهمبی 28 تهباخا 2022 ێ” نێچيرڤان بارزانى، سهرۆكێ ههرێما كوردستانێ پێشوازى ل سوى وى، باليۆزێ نوو یێ كۆمارا چينا مللى و شاندێ ل گه لدا كر.
نێچيرڤان بارزانى سهرهرایی پيرۆزباهییێ بۆ دهستبكاربوونا وی، هيڤییا سهركهفتنێ بۆ خواست و ههموو پشتگيرييهكا ههرێما كوردستانێ بۆ سهركهفتا ئهركێن وی و خواستا پێشخستنا پهيوهندييان د ههموو بیاڤان دا ل گهل چينێ دووپات كر.
ههروهسا سوپاسییا ههرێما كوردستانێ بۆ چينێ دهربرى كو ل دهمێ پهژیكا كۆرۆنایێ دا پێدڤی یێن نۆشداری پێشكێشی سازی یێن نۆشداری یێن ههرێما كوردستانێ كرینه.
باليۆزێ نوو یێ چينێ ل عێراقێ سهرهرایى دهربڕينا سهرسامییێ ب ئاڤهدانى و پێشكهفتنا ههرێما كوردستانێ و پێزانين بۆ ڕۆلێ پێشمهرگهیی د شهرێ دژى داعشێ دا، دووپاتی ل خواستا وهلاتێ خۆ بۆ بهرهف پێشخستنا پهيوهندييان ل گهل عێراقێ و ههرێما كوردستانێ كرییه و گۆت” عێراق ههڤپشكهكا گرنگا بازرگانييه ل گهل چينێ، ههروهسا هيڤی خواست پهيوهندی و ئاستێ هناردهكرن و هاوردهكرنا وهلاتێ وی ل گهل عێراقێ و ههرێما كوردستانێ بلند ببیت.
چالاكی یێن باليۆزخانا چينێ ل بهغدا و كونسولخانا وان ل ههرێما كوردستانێ، رهوشا سياسيیا عێراقێ و ههرێما كوردستانێ و ڤێ دهڤهرێ ب گشتى و چهند پرسێن دیتر، تهوهرهكێ دیتر یێن وێ ديدارێ بوون.
