خەدیجە عومەر: ھەتا پشتی کۆمبوونا لایەنێن سیاسی پەرلەمان کۆم نابیت

ئاژانسا خانی ، تایبەت:

ئەندامەکا لژنا قانوونی ل پەرلەمانێ کوردستانێ دیار کر، ھەتا لایەنێن سیاسی نەگەھنە ئەنجامەکی کۆمبوونا پەرلەمانی ل دۆر بابەتێ ھەلبژارتنان و درێژکرنا ژییێ پەرلەمانی چو کۆمبوونان ئەنجام نادەت.

خەدیجە عومەر، زێده‌تر بۆ ئاژانسا خانی گۆت: بریارە ڤێ ھەیڤێ جارەکا دی لایەنێن سیاسی ل سەرۆکاتییا ھەرێما کوردستانێ کۆمببن و تێدا دووماھی بڕیار ل سەر دیارکرنا ژڤانێ ھەلبژارتنێن ھەرێمێ و درێژکرنا ژییێ پەرلەمانی بده‌ن، بەلێ دیار نینە ھەتا نوکە دێ کەنگی کۆمبوون و بڕیارێن کۆمبوونێ و لایەنێن سیاسی دێ د چاوا بن.

خەدیجە عومەر ئاشكرا كر ژی” پەیڕەوێ نافخۆیی یێ پەرلەمانی و دستوور و قانوونێ خۆلا پەرلەمانی بۆ دەمێ چار سالان دیار کرییە، ئەوا بوویە ئاستەنگ لایەنێن سیاسی بەرھەڤ نینن د دەمێ دیار کری دا ھەلبژارتن بھێنە ئەنجامدان، لەوما دێ پەرلەمان چاڤەڕێی لایەنێن سیاسی کەت ” ل دۆر بابەتێ ھەلبژارتنان و درێژکرنا ژییێ پەرلەمانی.