ئه‌ڤرۆ ب ئاماده‌بوونا مەسرور بارزانی، سەرۆکێ حکومەتا هەرێما کوردستانێ، زەنگا دەستپێکرنا سالا نوى یا خواندنێ 2023 – 2022 ل قوتابخانا ئەیلۆل ل قەزا بەردەرەش هاته لێدان.
مەسرور بارزانی، سەرۆکێ حکومەتا هەرێما کوردستانێ گۆتاره‌ك ل قوتابخانێ پێشكێشكر و تێدا سوپاسییا وه‌زیرێ په‌روه‌ردێ و ڕێڤه‌به‌ر و مامۆستا و قوتابییێن قوتابخانا ئه‌یلۆلێ ل قه‌زا به‌رده‌ره‌ش كر و كه‌یفخۆشییا خوه دیاركر و ڕاگه‌هاند، د دوو سالێن بووریدا مامۆستایان گه‌له‌ك قوربانى داینه بۆ به‌رده‌وامبوونا پرۆسا خواندنێ و هه‌روه‌سا حكومه‌ت دێ یا به‌رده‌وام بیت ل چاره‌سه‌ركرنا ئاریشه‌یێن پرۆسا خواندنێ.
مەسرور بارزانی دیاركر، بزاڤ هاتینه‌كرن ژێرخانه‌كا ئابوورییا ب هێز بۆ هەرێمی کوردستان دروستبکەن، ئه‌م دخوازین مه ئابووریه‌ك هه‌بیت ده‌رفه‌تا كارى بۆ وه‌لاتییان دروستبكه‌ت.
