<h3 style="text-align: justify;"><span style="font-size: 18pt;">حكومه‌تا هه‌رێما كوردستانێ راگه‌هاند، دماوێ سێ سالێن بووریدا هه‌ماهه‌نگییه‌كا تمام دگه‌ل په‌رله‌مانێ كوردستانێ هاتییه كرن و پترین پرسیارێن په‌رله‌مانتاران هاتینه به‌رسڤدان.</span></h3> <h3 style="text-align: justify;"><span style="font-size: 18pt;">كابینه‌یا نه‌هێ یا حكومه‌تا هه‌رێما كوردستانێ دماوێ سێ سالێن بووریدا، 25 پرۆژه قانوو پێشكێشى په‌رله‌مانى كرینه و هه‌تا نوكه 22 ژ وان هاتینه په‌سه‌ندكرن.</span></h3> <h3 style="text-align: justify;"><span style="font-size: 18pt;">فه‌رمانگه‌ها میدیا و زانیارى یا حكومه‌تا هه‌رێما كوردستانێ ئاشكراكر، 88%ێ یا پرۆژه‌یێن قانوونى یێن حكومه‌تا هه‌رێما كوردستانێ ئه‌وێن پێشكێشى په‌رله‌مانى هاتینه كرن، په‌سه‌ند بووینه.</span></h3> <h3 style="text-align: justify;"><span style="font-size: 18pt;">هه‌روه‌سا دیاركر، دماوێ سێ سالێن بووریدا وه‌زیرێن كابینه‌یا نه‌هێ یا حكومه‌تێ 280ێ جاران بۆ به‌رسڤدانا پرسیارێن په‌رله‌مانتاران سه‌ره‌دانا په‌رله‌مانێ كوردستانێ كرینه، و ب رێژه‌یا 89%ێ پرسیارێن په‌رله‌مانتاران هاتینه به‌رسڤدان، كو ژ سه‌رجه‌مێ 4313 پرسیاران، 3862 پرسیار هاتینه به‌رسڤدان.</span></h3> <h3 style="text-align: justify;"><span style="font-size: 18pt;">فه‌رمانگه‌ها میدیا و زانیارییان ئاماژه ب هندێ ژى دا، ژ بۆ پێدانا داتا و زانیارییان و باوه‌ربوون ب شه‌فافییه‌تێ، كابینه‌یا نه‌هێ یا حكومه‌تا هه‌رێما كوردستانێ د سێ سالێن بووریدا هه‌ماهه‌نگییه‌كا تمام دگه‌ل په‌رله‌مانێ كوردستانێ كرییه.</span></h3>
