ئاساییشا ئاكرێ رۆنكرنه‌ك به‌ لاڤ كر

ئاساییشا ئاکرێ رۆنکرنەک دەربارەیی تیرۆرکرنا عەقیدەکێ پێشمەرگەیی ل ئاکرێ به‌لاڤ كر و دیار كر: ئه‌و چەکێ پێ هاتییە کوشتن، یێ ئاساییشێ نەبوویه‌.

ئه‌ڤرۆ شه‌مبییێ رێڤەبەریا ئاساییشا ئاکرێ راگەهاند: ئەو چەک و کەلوپەلێن ل رۆژا پێنجشەمبیا بوری 15-9-2022 د تاوانەکا کوشتنێ دا ل ئاکرێ هاتینە بکارئینان، مولکێ ئاساییشێ نەبوون.

ئه‌و ژی گۆتییە: تاوانباری بەری دەرکرنا رێنماییێن نوو یێن حکومەتا هەرێما کوردستانێ یێن ب دەستخستنا چەکی، ئەو چەک ب دەست خۆ خستیە و چەک یێ نه‌یێ ئاساییشێ یە.

ئاساییشا ئاکرێ دیار كرییه‌ ژی: ئه‌و ترۆمبێلا د تاوانێ دا هاتییە بکارئینان، مولکێ ئاساییشێ نینە، بەلکو مولکێ تایبەتێ تاوانبارییە.

ل پێنجشەمبیا بوری عەقید سابر ئاكره‌یی ل قەزا ئاکرێ ب دەستێ تاوانبارەکی ب ناڤێ (و. ف. س) هاتبوو کوشتن.