كارێ نووژه‌نكرنا قوتابخانه‌یا كێلكێ ده‌ستپێكر

ل سه‌ر راسپاردا پارێزگارێ دهۆكێ كارێ نووژه‌نكرنا قوتابخانه‌یا كێلكێ ده‌ستپێكر، هه‌روه‌سا ره‌زامه‌ندى بۆ درووستكرنا دیوارێ قوتابخانه‌یا گرشینێ هاتییه‌ دان.

راگه‌هاندنا پارێزگه‌ها دهۆكێ ئاشكراكر، كارێ نووژه‌نكرنا قوتابخانه‌یا كێلكێ ئه‌وا به‌رى چه‌ند رۆژان وێنه‌یێن وێ ل سوشیال میدیایێ به‌لاڤبووین و تێدا دیاربووى كو دره‌وشه‌كا خرابدایه ب راسپاردا پارێزگارێ دهۆكێ د. عه‌لى ته‌ته‌رى ده‌ستپێكر‌.

هه‌روه‌سا راگه‌هاندنا پارێزگه‌ها دهۆكێ دیاركر، به‌رى چه‌ند رۆژان پارێزگارێ دهۆكێ دكۆمبوونه‌كێدا دگه‌ل رێڤه‌رێن قه‌زایێن پارێزگه‌ها دهۆكێ دووپاتى ل خزمه‌تكرنا زێده‌تر یا كه‌رتێ په‌روه‌ردێ و پێشڤه‌برنا شیانێن زانستى كربوو.