پارێزگارێ دهۆكێ پشكدارى دپه‌نه‌لێ فۆرما بودێنزى یا بازرگانیدا كر

پارێزگارێ دهۆكێ د. عه‌لى ته‌ته‌رى وه‌كو مێڤانێ سه‌ره‌كى ل وه‌لاتێ ئه‌لمانیا پشكدارى دفۆرما پانێلا بازرگانیدا كر و پانێله‌ك ل دوور پێكڤه‌ژیانا دێرین و دیرۆكا ره‌سه‌نا خه‌لكێ هه‌رێما كوردستانێ ب تایبه‌ت پارێزگه‌ها دهۆكێ پێشكێشكر.

ئه‌كاونتێ فه‌یسبۆكى یێ پارێزگه‌ها دهۆكێ دیاركر، ئەڤرۆ رۆژا سێشەمبی 20ى ئه‌یلولا 2022ێ پارێزگارێ دهۆکێ دناڤا فۆرما بودێنزێ یا بازرگانیدا پانێلەک پێشکێشکر، د.عەلی تەتەر دپانێلێدا وەک مێهڤانێ سەرەکى یێ فۆرما بازرگانی باس ل پێکڤەژیانا دێرین و دیرۆک و رەسەنا خەلکێ هەرێما کوردستانێ ب تایبەتی ل پارێزگەها دهۆکێ کر، هەروەسا ل دۆر رەوشا هەرێما کوردستانێ دبیاڤێن جۆدادا و پێشئێخستنا پەیوەندیان دگەل وەلاتێن دەرڤە و پشکدارێن فۆرما بازرگانی دووپاتی ل تێکەلییێن زێدەتر دبیاڤێ بازرگانی، گەشتوگوزار، پەروەردە و خاندنا بلند داکر.

پارێزگارێ دهۆکێ ل دۆر رەوشا مرۆڤایەتی و خزمەتکرنا ئاوارە و پەنابەران رۆلێ کۆمارا ئەلمانیا فیدرال و وەلاتێن هەڤپەیمان بلند نرخاند و سوپاسییا هەموو لایەکێ پشکدار دفۆرما بازرگانیداکر، پاشان دانوستاندنێن دناڤا پانێلێدا بیروبوچوون لێک هاتنە گۆهارتن.