یاداشته‌كا لێكتێگەهشتنێ دناڤبه‌را شاندێ ئەمریکا ل گه‌ل وەزارەتا پێشمەرگەیی هاته ئیمزا كرن و سەرۆکێ هەرێما کوردستانێ دووپاتی ل پابه‌نديیا هه‌رێما كوردستانێ ب هه‌ڤپشكی ل گه‌ل ئه‌مريكا كر و “سوپاسییا ئه‌مريكا و وه‌لاتێن دۆست” كر ” بۆ هاریكاری و پشته‌ڤانییا وان ل چاكسازی یێن وه‌زاره‌تا پێشمه‌رگه‌یی و پرۆسا يه‌كخستنا پێشمه‌رگه‌یی.
ئەڤرۆ چارشه‌مبی” د مەراسیمەکێ دا ب سەرپەرشتییا نێچیرڤان بارزانی سه‌رۆكێ هه‌رێما كوردستانێ و ب ئامادەبوونا مەسرور بارزانی، سەرۆکێ حکومەتا هەرێما کوردستانێ، سێلێست والندەر، هاریکارا وەزیرێ بەرگریا ئەمریکا بۆ کاروبارێن ئاساییشا نێڤدەولەتی و هەروەسا جێگرێن سەرۆکێ هەرێما کوردستانێ و جێگرێ سه‌رۆكێ حكومه‌تێ و بالیۆزێ ئه‌مریكا ل عیراقێ هژمارەکا وەزیر و شیرەتکارێن سەربازی، یاداشتەکا لێکتێگەهشتنێ د ناڤبەرا وەزارتا پێشمەرگەیی و وەزارەتا بەرگرییا ئەمریکا دا هاته ئیمزا کرن.
د وی رێوره‌سمی دا نێچيرڤان بارزانى، په‌یڤه‌ك پێشكێشكر و به‌حسێ “قارەمانی یێن” پێشمه‌رگه‌یی ل شه‌رێ دژى تيرۆرێ كر و تيشك خسته سه‌ر پشتگيريیا ئه‌مريكا و هه‌ڤپه‌يمانان ل عیراقێ و هه‌رێما كوردستانێ بۆ تێكشكاندنا داعشێ
سه‌رۆكێ هه‌رێما كوردستانێ دووپاتی ل هاریكاری و هه‌ماهەنگییا دناڤبه‌را پێشمه‌رگه‌یی و سوپایێ عێراقێ بۆ به‌رهنگاربوونا مه‌ترسی یێن تيرۆرێ كر” هەروەسا “سوپاسییا” مسته‌فا كازمى، سه‌رۆكوه‌زير و فه‌رماندێ گشتی یێ هێزێن چه‌كدارێن عیراقێ كر.
