بڕیارە ل رۆژا چارشەمبی پەرلەمانێ عێراقێ کۆمببیت و ئێک ژ بڕگێن کۆمبوونێ دەست ژ کار کێشانا محەمەد حەلبووسی سەرۆکێ پەرلەمانێ عێراقێ یە” پەرلەمانتارەکێ کورد ژی دبێژیت، ئەڤە ب تنێ تهکتیکە و دەست ژ کارکێشانا حەلبووسی ناھێتە قەبوولکرن.
د. سەباح سوبحی، پەرلەمانتارێ کورد ل پەرلەمانێ عێراقێ بۆ ئاژانسا خانی دیار کر” پشتی روودانێن ڤێ دووماھییێ یێن عێراقێ محەمەد حەلبووسی دخوازیت ھندەک گوھۆڕینان بکەت و دەست ژ کار کێشانا خوە پێشکێشی پەرلەمانی کرییە، بەلێ ئەز باوەرم دەست ژ کارکێشانا حەلبووسی سەرناگریت و ناھێتە قەبوولکرن.
ناڤهاتی گۆت ژی” محەمەد حەلبووسی دخوازیت ب ڤێ پێنگاڤێ کارەکێ وەسا بکەت دەست ژ کارکێشانا وی بھێتە رەتکرن و ل دووڤدا بھێزتر کار بکەت، ھەروەسا نازدارییەکێ ل سەر موقتەدا سەدری دا بکەت و وەسا خۆ نیشان بدەت، کو ئەو پشتی سەدری یێ بەرھەڤبوو دەست ژ کار ڤەکێشێت، بەلێ نەھاتە قەبوولکرن.
