خانی نیوز، نەوزاد هلوری،
رێکخراوا ئەلند بۆ دیمکراسیکرنا گەنجان و دەزگەهێ خێرخوازییا کوردستان، ئەڤرۆ سپێدێ کونفراسەکێ تایبەت ل دۆر چوونا گەنجان بۆ دەرڤەی کوردستانێ ل ئوتێلا ژیان ل باژێرێ دهۆکێ سازكر و تێدا بەحس ل ئەگەر و کارتێکرن و چارەسەریا وێ پرسێ هاته‌كرن.
شێرزاد پیرمووسا، رێکخەرێ کونفرانسی بۆ خانی نیوز ئاشكرا كر، ب مەرەما رێگرتن ل چوونا گەنجان و چارەسەرکرنا هەموو ئاریشە و ئەگەرێن چوونا وان بۆ دەرڤە، وان وەک رێکخراوا ئەلند بو دیمکراسیکرنا گەنجان ب هەڤکاری د گەل دەزگەهێ خێرخوازی کوردستان، ئه‌و کۆنفرانسێ تایبەت ل دۆر چوونا گەنجان بۆ دەرڤە و ئەگەر و کارتێکرن و چارەسەری وێ پرسێ سازكر.
پیرمووسا ئاشكرا ژى كر، کەسانێن تایبەتمەند و بسپۆر ب درێژی بابەت شرۆڤەکر، دێ ئەنجامێن کۆنفرانسی د کونۆسەکێ دا بۆ جهێن شولەژێ هێنه رەوانەكرن داکو ئێدی پرسا چوونا گەنجان بۆ دەرڤە بهێتە راگرتن و چارەسەرکرن.
پیرمووسا گۆت ژى: ئه‌وان راپرسییەکا تایبەت ل دۆر چوونا گەنجان بۆ دەرڤە و ب هەموو داتا و زانیاری و ب هویری به‌رهه‌ڤكریه و د کۆنفرانسی دا هاتە راگەهاندن
رێکخەرێ کونفرانسی ئاشكرا كر، ئەنجامێن راپرسیێ د دلخوشکەر نینن و هوسا بەردەوام بیت دێ کارتێکرنێن خراپ ل سەر پاشەرۆژا گەنجان و کوردستانێ ژی دروست بیت.
بەرسڤا پرسیارا بۆچی گەنج دچنە ژدەرڤە ل دهۆکێ هاته‌دان
