ئیران یا به‌رده‌وامه‌ ل سه‌ر تۆپبارانكرنا ده‌ڤه‌رێن سنۆرى یێن هه‌رێما كوردستانێ

بۆ جارا چارێ ل سه‌ر ئێك تۆپخانه‌یێن سوپایێ ئیرانێ ب تووندی هێرشی ده‌ڤه‌را برادۆست دكه‌ت.

27 ئیلۆنا 2022 ێ، رێڤه‌به‌رێ ده‌ڤه‌را سیده‌كان ئێحسان چه‌له‌بی راگه‌هاند، نێزیكی ده‌مژمێر 10 به‌ری نیڤرو تۆپخانێن ئیرانێ بۆ ڕوژا چارێ لسه‌ر ئێك به‌رده‌وامه‌  ل سه‌ر توپبارانكرنێ ل بلنداهییا چیایێن به‌ربزین و سه‌قه‌ر و كێستان و گوندێن به‌ربزین و بن په‌رێز هه‌روه‌سا ده‌ڤه‌رێن به‌نێ و بن روشكین و به‌رچیخه‌.

د هه‌مان ده‌مدا شاخه‌وان حسێن رێڤه‌به‌رێ ناحیا قه‌سرێ یا سه‌ر ب قه‌زا چۆمان ڤه‌ ئاشكه‌را كر، ده‌مژمێر 10 به‌ری نیڤرۆ سوپایێ ئیرانێ بۆردومانا گوندێ مێرگه‌سوور كر، ئاماژه‌ ب وێ چه‌ندێ ژی كر، پشتی ڤه‌كۆلینێن ده‌زگه‌هێن ئه‌منی ده‌ركه‌ڤت ئه‌و بوردومان ب رێیا درۆنه‌كا بومبرێژكری هاتییه‌ ئه‌نجامدان خوه‌ ب جهێ ئامانجگرتی ڤه‌ هاتییه‌ ته‌قاندن.

هه‌روه‌سا گوت: د وێ  بوردومانێدا  ژ بلی زیانێن ماددی چ زیانێن گیانی نه‌بوون.