<h3 style="text-align: justify;"><span style="font-size: 18pt;">ژ چارچووڤێ بجهئینانا قانوونا چاكسازییا كابینه‌یا نه‌هێ یا حكومه‌تا هه‌رێما كوردستانێ، ژماره‌كا ئه‌فسه‌ر و پله‌دارێن فه‌رمانده یێن هێزێن 80ێ یێن سه‌ر ب وه‌زاره‌تا پێشمه‌رگه‌ى یا حكومه‌تا هه‌رێما كوردستانێ هاتنه خانه‌نشینكرن.</span></h3> <h3 style="text-align: justify;"><span style="font-size: 18pt;">ئه‌ڤرۆ 27ى ئه‌یلولا 2022ێ فه‌رمانگه‌ها میدیا و زاینارییان یا حكومه‌تا هه‌رێما كوردستانێ راگه‌هاند، ب فه‌رمانا سه‌رۆكێ حكومه‌تا هه‌رێما كوردستانێ مه‌سرور بارزانى بریار هاته دان دو هزار و 61 ئه‌فسه‌ر و پله‌دارێن فه‌رمانده یێن هێزێن 80 یێن سه‌ر ب وه‌زاره‌تا پێشمه‌رگه‌ى بهێنه خانه‌نشینكرن.</span></h3> <h3 style="text-align: justify;"><span style="font-size: 18pt;">فه‌رمانگه‌ها میدیا و زانیارییان دیاركر، ئه‌ڤ فه‌رمانه بۆ بجهئینانا دادپه‌روه‌رییێ درێكخستنا رێزێن پێشمه‌رگه‌یێ كوردستانێدایه و ژ چارچووڤێ بجهئینانا قانوونا چاكسازییا كابینه‌یا نه‌هێ یا حكومه‌تا هه‌رێما كوردستانێ ده‌ركه‌ڤتییه.</span></h3> <h3 style="text-align: justify;"><span style="font-size: 18pt;">وه‌زاره‌تا پێشمه‌رگه‌ى یا حكومه‌تا هه‌رێما كوردستانێ ژ چارچووڤێ چاكسازییا كابینه‌یا نه‌هێ ب رێكا 39 خالان چاكسازى ل وه‌زاره‌تێ و یه‌كه‌یێن 70 و 80ێ ده‌ستپێكرییه، كو ئێكخستنا یه‌كه‌یێن ژمێریارى، خانه‌نشینى، پێداچوونا پله‌یێن سه‌ربازى، ژمارا زێره‌ڤانان و هه‌یكه‌لێ لیوایان ب خۆڤه گرتییه.</span></h3>
