رێڤه‌به‌رێ گشتى یێ گه‌شتوگوزارێ ل پارێزگه‌ها دهۆكێ د. خه‌یرى عه‌لى ئوسوى دیاركر، ئارمانجا رێڤه‌به‌رییا گشتى یا گه‌شتوگوزارێ ئه‌وه دهۆك ببیته پایته‌ختێ گه‌شتوگوزارێ ل هه‌رێما كوردستانێ و هه‌موو مه‌رج و سالوخه‌ت ل دهۆكێ هه‌نه.
د. خه‌یرى عه‌لى ئوسوى ئاشكراكر، ئه‌و یێ كار دكه‌ن رێژه‌یا سالانه یا هاتنا گه‌شتیاران بگه‌هیته پێنج هه‌تا شه‌ش ملیۆن گه‌شتیاران، ل سالا 2021ێ ئێك ملیۆن و 500 هزار گه‌شتیاران قه‌ستا دهۆكێ كربوو، و ل سالا 2022ێ هه‌تا نوكه ئێك ملیۆن و 800 هزار گه‌شتیار هاتینه دهۆكێ و هه‌تا دووماهییا ئه‌ڤ ساله دێ گه‌هیته دوو ملیۆن گه‌شتیاران.
