<h3 style="text-align: justify;"><span style="font-size: 18pt;">ب فه‌رمى لژنه‌یا ته‌راخیسان ل ئێكه‌تییا فوتبۆلا عیراقێ مافێ پشكداریكرنا یانه‌یا دهۆكێ دخۆلا پلا نایابا عیراقێدا راگه‌هاند، پشتى كارگێرییا یانه‌یێ هه‌موو ئه‌و ئاریشه و سكالایێن ل سه‌ر هاتینه تۆماركرن چاره‌سه‌ركرین.</span></h3> <h3 style="text-align: justify;"><span style="font-size: 18pt;">به‌رپرسێ ته‌راخیسا ل یانه‌یا دهۆك هه‌ڤال بریفكانى د داخویانییه‌كێ دا بۆ ئاژانسا خانى دیاركر، یانه‌یا دهۆك مافێ پشكداریكرنێ دخۆلا نایابا عیراقێدا وه‌رگرت پشتى شییاى ئاریشه‌یا وان 5 سكالایێن ل سه‌ر هاتینه تۆماركرن چاره‌سه‌ربكه‌ت كو چار ژ ئه‌وان سكالایان یێن یاریكه‌ران بوون و ئێك یا راهێنه‌ره‌كى بوو، و نوكه یانه‌یا دهۆك دشێت پشكدارییێ دوه‌رزێ 2022-23ێ یێ خۆلا نایابا عیراقێ دا بكه‌ت.</span></h3> <h3 style="text-align: justify;"><span style="font-size: 18pt;">دهێته زانین شانده‌كێ یانه‌یا دهۆكێ كو ژ سكرتێرێ یانه‌یێ جاسم حاجى و به‌رپرسێ ته‌راخیسان هه‌ڤال بریفكانى و پارێزه‌رێ یانه‌یێ زنار زوبێر پێكهاتبوو، بۆ ماوێ حه‌فتییه‌كێ ل باژێرێ به‌غدا دانوستاندنان دگه‌ل ئه‌وان یاریكه‌ر و راهێنه‌رێن سكالا ل سه‌ر یانه‌یێ توماركرین كرن، و ل دووماهییێ شیان بگه‌هنه رێككه‌ڤتنێ و ئه‌ڤى بابه‌تى چاره‌سه‌ربكه‌ن.</span></h3>
