ئه‌و گه‌نجێ ته‌قه‌ كرى هاته‌ ده‌سته‌سه‌ركرن

پۆلیسێن پارێزگه‌ها دهۆكێ ده‌سته‌سه‌ركرنا وى گه‌نجى راگه‌هاند ئه‌وێ ئه‌ڤرۆ ل ئێك ژ خارنگه‌هێن دهۆكێ ب شێوه‌یێ هه‌ره‌مى ته‌قه‌ كرى.

پۆلیسێن دهۆكێ ل سه‌ر ئه‌كاونتێ خوه‌ یێ فه‌یسبۆكى دیاركر، ل ئێك ژ خارنگه‌هێن سه‌نته‌رێ باژێرێ دهۆكێ ئالۆزى دناڤبه‌را گه‌نجه‌كێ 21 سالى و چه‌ند كرێكارێن خارنگه‌هێدا په‌یدابوو، دووڤدا ئه‌و گه‌نجى چوویه‌ مالا خوه‌ و چه‌كێ كلاشینكۆڤ دگه‌ل خوه‌دا برییه‌ و ب شێوه‌یه‌كێ هه‌ره‌مى ته‌قه‌كرییه‌.

پۆلیسان ئه‌وژى ئاشكراكر، به‌شێ هه‌وارهاتنێ هه‌ر زوو ئه‌و گه‌نجه‌ ده‌سته‌سه‌ركرییه‌ و ره‌وش كونترۆلكرییه‌، و دنوكه‌دا ئه‌و ل دووڤ به‌ندێ ( 31/405 ) یێ قانوونى هاتییه‌ راگرتن و ڤه‌كۆلین دگه‌لدا دهێته‌ كرن، و چ زیانێن گیانى د ئه‌ڤێ روودانێدا نه‌بووینه‌.