مه‌سرور بارزانى : ئه‌م ملله‌ته‌كێ ئاشتیخوازین، مه‌ نه‌ڤێن ئاریشه‌یان بۆ چ وه‌لاتان درووست بكه‌ین

سه‌رۆكێ حكومه‌تا هه‌رێما كوردستانێ پشكدارى د ئاهه‌نگا ده‌رچوویێن قوتابییێن زانكۆیا سه‌لاحه‌دین دا كر.

سه‌رۆكێ حكومه‌تا هه‌رێما كوردستانێ مه‌سرور بارزانى د گوتاره‌كێدا راگه‌هاند، زانكۆیا سه‌لاحه‌دین رۆله‌كێ به‌رچاڤ د ئاڤه‌دانكرنا وه‌لاتیدا هه‌بوو، و بنه‌ما و ژێده‌رێ گه‌له‌ك زانكۆیێن كوردستانێ بوو.

سه‌رۆكێ حكومه‌تێ ئاماژه‌ دا هندێ، سه‌رۆك بارزانى د سالێن دژواردا پشته‌ڤانییه‌كا تایبه‌ت ل زانكۆیان كرییه‌.

ژلایه‌كێ دیڤه‌ مه‌سرور بارزانى گوت: ئه‌و هێرشێن ل سه‌ر ئه‌ردێ مه‌ دهێنه كرن،‌ ب چ شێوه‌یان ئاریشه‌یان چاره‌سه‌رناكه‌ن، ئه‌م ملله‌ته‌كێ ئاشتیخوازین و ئاریشه‌یان بۆ چ وه‌لاتان درووست ناكه‌ین.