وەزارەتا بەرگرییا توركیا كۆشتنا سەربازەكێ سۆپایێ خوە و برینداربوونا دوو سەربازێن دی د روویبروویبوونا دگەل گەریلایێن پەكەكێ دا ل هەرێما كوردستانێ راگەهاند.
شەڤا بووری وەزارەتا بەرگرییا توركیا ل هەژمارا خوە یا توویتەری كۆشتنا سەربازەكێ خوە ب ناڤێ یوسف ئاتاش و برینداربوونا دوو سەربازێن دی د ئۆپەراسیونا چنگ – قۆفل دا ل دەڤەرا زاپ یا ناڤ ئاخا هەرێما كوردستانێ راگەهاند.
ل دویڤ ئامارێن وەزارەتا بەرگرییا توركیا د ئۆپەراسیونا چنگ – قۆفل دا كۆ ل هەیڤا نیسانێ دەستپێكرییە هەتا نوكە 61 سەربازێن توركیا و 399 گەریلایێن پەكەكێ هاتینە كۆشتن. د بەرامبەردا هەپەگێ كۆشتنا 2 هزار و 96 سەربازێن تورك و 116 گەریلایان راگەهاندییە.
