ب ‌كارئینانا تۆرێن جڤاكی ل ناڤا فەرمانگەهێن حکومەتا هەرێمێ هاته‌ راگرتن

‎ب بریارا وەزارەتا ڤه‌گوهاستن و گەهاندنێ، ل ناڤا هه‌موو فەرمانگە و سازی یێن حکومەتا هەرێما کوردستانێ ب كارئینانا تۆرێن جڤاكی هاته‌ راگرتن.

جەمال ئەحمەد، رێڤەبەرێ گشتی یێ پۆستە و گەهاندنێ ل وەزارەتا ڤه‌گوهاستن و گەهاندنێ بۆ k24 دیار كر، د كڤانێ‌ به‌رنامێ چاكسازییێ یێ حكومه‌تا هه‌رێما كوردستانێ وه‌زاره‌تا ڤه‌گوهاستن‌ و گه‌هاندنێ بڕیار دا ب ‌كارئینانا تۆرێن جڤاكی ل‌ هه‌موو فه‌رمانگه‌ و سازی یێن حكومه‌تا هه‌رێما كوردستانێ بهێنه‌ راگرتن” هه‌روه‌سا ئه‌و بڕیارە ب تنێ پڕۆژێ ئینتەرنێتا میری ڤه‌دگریت  ” كو حکومەتا هەرێمێ ب رێیا وەزارەتا ڤه‌گوهاستن و گەهاندنێ بۆ فەرمانگەهان دابین دكه‌ت.