حكومه‌تا عیراقێ كار ل سه‌ر ده‌رخستنا دراڤێ 20 هزار دینارى دكه‌ت

بەرپرسەكێ حكومەتا عیراقێ ل دوور چاپكرنا دراڤێ نوو یێ 20 هزاری ئاشكراكر، ره‌وشا عیراقێ پێدڤى ب ده‌ركرنا دراڤێ ناڤنجییه‌، له‌وما ئه‌و دراڤێ نوو دێ هێته‌ ده‌ركرن.

شیره‌تكارێ دارایى و ئابوورى یێ سه‌رۆك وه‌زیرێن عیراقێ مه‌زهه‌ر محه‌مه‌د سالح بۆ میدیا یا عیراقێ دیاركر، چاپكرنا دراڤه‌كێ نوو ب شێوه‌یێ 20 هزارى بۆ لێكگهورینا پاره‌ی یه‌ و بهایێ وێ گه‌له‌ك یێ بلند نینه‌ و مه‌رم ژێ كێمكرنا بهایێ دراڤى نینه،‌ به‌لكو باشتركرنا لێكگهورینا پاره‌ى یه‌، و دێ ئاسانكارییان بۆ ئێكلاكرنا بازار و شێوازێن پاره‌دانێ كه‌ت.

زێده‌تر ئه‌وى به‌رپرسێ عیراقى گوت : ده‌ركرنا دراڤه‌كێ نوو یێ عیراقێ ژلایێ بانكا ناڤه‌ندى یا عیراقێ ڤه‌ كو دراڤێ 20 هزار دینارییه‌، دێ چیته‌ دبیاڤێ باشتركرنا سیاسه‌تا بانكا ناڤه‌ندى د رێڤه‌برنا سیسته‌مێ پاره‌دانا نه‌ختینه‌یى دا.