به‌رپرسه‌كا وه‌زاره‌تا چاندن و ژێده‌رێن ئاڤێ یا حكومه‌تا هه‌رێما كوردستانێ دیاركر، بۆ وه‌رزێ چاندنا گه‌نمێ ئه‌ڤساله حكومه‌تا هه‌رێما كوردستانێ پشته‌ڤانیا دابینكرنا توڤێ گه‌نمێ جوتیاران دكه‌ت و حه‌فت هزار ته‌نێن گه‌نمى دێ ده‌تێ.
ڕێژین سدقى، رێڤه‌به‌را به‌رهه‌مئینانا توڤى ل وه‌زاره‌تا چاندنێ و ژێده‌رێن ئاڤێ راگه‌هاند، د نوكه‌دا كارێ پاقژكرن و ده‌رمانكرنا حه‌فت هزار ته‌نێن توڤێ گه‌نمى دهێته‌كرن و پشتى ته‌مامبوونێ ب پشته‌ڤانیا دارایى یا حكومه‌ت دێ ب سه‌ر جوتیارێن ده‌ڤه‌رێ جودا جودا دابه‌شكه‌ن.
گۆتژى: ئه‌و گه‌نم ژ جورێ پله ئێكه و دێ كارتێكرن لسه‌ر باشكرنا به‌رهه‌مئینانا گه‌نمێ جوتیاران هه‌بیت، ئه‌ڤه دێ بیته ئه‌گه‌ر دێ به‌رهه‌مه‌كێ ساخبیت و دێ به‌رهه‌مێ وێ بله‌زتر و بلندتربیت.
