نێچیرڤان بارزانى : مام جه‌لالى هێز و مه‌زناهى دابوو پۆستێ سه‌رۆك كومارێ عیراقێ

سه‌رۆكێ هه‌رێما كوردستانێ پشكدارى د رێوره‌سمێن سالڤه‌گه‌را وه‌غه‌ركرنا سه‌رۆكێ به‌رێ یێ عیراقێ جه‌لال تالبانیدا كر، و د گوتاره‌كێدا به‌حسا پێگه‌هێ ئه‌وى ل عیراقێ كر.

سه‌رۆكێ هه‌رێما كوردستانێ نێچیرڤان بارزانى پشكدارى د رێوره‌سمێن پێنج سالییا وه‌غه‌ركرنا سه‌رۆكێ به‌رێ یێ عیراقێ جه‌لال تاله‌بانیدا كر، و دگوتاره‌كێدا به‌حسا پێگه‌هـ و رۆلێ ئه‌وى ل عیراقێ كر و گوت : مام جه‌لالى هێز و مه‌زناهى دابوو پۆستێ سه‌رۆك كومارێ عیراقێ، ژبه‌ركو ببوو ئه‌گه‌رێ ته‌باییێ بۆ هه‌موو هێزێن عیراقێ، و داكوكیكه‌ره‌كێ گه‌له‌ك باش یێ كورد، شیعه‌، سوننه‌ و هه‌موو پێكهاته‌یێن دى بوو.

زێده‌تر سه‌رۆكێ هه‌رێما كوردستانێ دیاركر، باره‌گایێ مام جه‌لالى ل به‌غدا ببوو جهێ پاقژكرن و نه‌هێلانا ناكوكییان، و ب نه‌مانا مام جه‌لالى ل به‌غدا، پێگه‌هه‌كێ مه‌زن یێ ته‌وافقێ ژ ده‌ست چوو و سه‌نته‌ره‌كێ سه‌ره‌كى یێ دانوستاندنێن سیاسى نه‌ما ب ئاسته‌كى كو هه‌تا نوكه‌ژى عیراقى هه‌ست پێ دكه‌ن.