په‌رله‌مانێ ئورۆپا دێ دانوستاندنان ل دوور كوشتنا ژینا ئه‌مینى و خۆپیشاندانێن ئیرانێ كه‌ت

بریاره‌ ئه‌ڤرۆ په‌رله‌مانێ ئورۆپا ل دوور كوشتنا ژینا ئه‌مینى و خۆپیشاندانێن ڤێ دووماهییێ یێن ئیرانێ كۆمبیت.

سایتێ ئێكه‌تییا ئورۆپا به‌لاڤكرییه‌ كو جێگرێ سیاسه‌تا ده‌رڤه‌ یا ئێكه‌تییێ دێ د ئه‌وێ كۆمبوونێدا ل سه‌ر روودانێن ئیرانێ ئاخڤیت، و ئه‌ندامێن په‌رله‌مانێ ئورۆپا دكۆمبوونێدا دێ ده‌نگى ل دوور ئاماده‌كرنا پرۆژه‌ بریاره‌كا رۆژا پێنجشه‌مبییا بهێت ده‌ن.

به‌رى نوكه‌ به‌رپرسێ سیاسه‌تا ده‌رڤه‌ یا ئێكه‌تییا ئورۆپا جوزێپ بۆرێلى ب نوونه‌رایه‌تییا وه‌لاتێن ئه‌ندامێن ئێكه‌تییێ به‌یانه‌كێدا داخواز ژ ئیرانێ كربوو دووماهییێ ب گرتنا خۆپیشانده‌ران بینیت و رێزێ ل مافێن خۆپیشاندانێن خه‌لكێ ئیرانێ بگریت.