پلاسخارت: پێدڤییه‌‌ عیراق مافێ خه‌لكێ كوردستانێ بده‌ت

هنارتییا تایبه‌ت یا نه‌ته‌وێن ئێكگرتی ل‌ عیراقێ راگه‌هاند، گروپێن چه‌كدار گه‌فن بۆ سه‌ر ئاسایشا عیراقێ و ره‌وشا وه‌لاتی ژی ب‌ مه‌تریسدارترین قووناغ وه‌سفكرییه‌‌.

ئه‌ڤرۆ سێشه‌مبی (4 ئۆكتۆبه‌را 2022) ێ، د كۆمبوونا جڤاتا ئاساییشێ یا نه‌ته‌وێن ئێكگرتی، جێنین هێنس پلاسخارت، هنارتییا تایبه‌ت یا نه‌ته‌وێن ئێكگرتی ل‌ عیراقێ، راپۆرته‌ك سه‌باره‌ت ره‌وشا عیراقێ پێشكێش كر.

پلاسخارتێ دوپاتی ل سه‌ر پێدڤییا دانوستاندنێن نیشتمانی دناڤبه‌ینا سه‌ركردێن‌ عیراقی كرییه‌ و راگه‌هاند، نوكه‌ عێراق ب‌ مه‌ترسیدارترین قووناغ دا ده‌رباز دبیت.

ئه‌و ژی گۆتییه: ره‌وشا سییاسی یا‌ عیراقێ كاریگه‌رییا نه‌رێنی ل سه‌ر وه‌لاتییان هه‌بوویه‌ و خه‌لكێ عیراقێ د ره‌وشا نوكه‌ دا وه‌كو گرتییان هاتینه‌ ده‌سته ‌سه‌ركرن.

سه‌باره‌ت دانوستاندنێن دناڤبه‌را لایه‌نان ب‌ سه‌رپه‌رشتییا مسته‌فا كازمی، سه‌رۆك وه‌زیرێن عیراقێ، پلاسخارتێ راگه‌هاند، هه‌تا نوكه‌ چ ئه‌نجام نه‌بووینه‌.

پلاسخارتێ گۆت ژی، هه‌موو لایه‌ن ژ بلی‌ تۆمه‌تباركرنا ئێكودۆ چ  بژارده‌یێن دیتر نینن، زێده‌باری وان هه‌موو قوربانی یێن وه‌لاتییان داین، به‌لێ لایه‌نێن‌ سیاسی شكه‌ستن ئینایه‌ د‌ دابینكرنا خزكه‌تگوزاری یێن‌ پێدڤی دا ” هه‌روه‌سا پێدڤییه‌‌ عیراق مافێ خه‌لكێ كوردستانێ بده‌ت.