سه‌نته‌رێ ئه‌لمانى بۆ ڤه‌كۆلینێن زانستى جیۆلوجى ئاشكراكر، ل سپێده‌هیا ئه‌ڤرۆ بیڤه‌له‌رزه‌ك ب گوره‌ى 5.5 پله پیڤه‌رێ رێخته‌ر، ل سنوورێ دناڤبه‌را كۆمارا ئیسلامیا ئیرانێ و ئازه‌ربایجان و ئه‌رمینیا روویداوه. لدوڤ زانیاریان بیڤه‌له‌رز ل ده‌ڤه‌ره‌كا(خۆى) ل پارێزگه‌ها ورمیێ رۆژهه‌لاتێ كوردستانێ بوو.
ئاماژه ب هندێ ژى كر، ئه‌و بیڤه‌له‌رز توندتربوو و ب گوره‌ى 5.7 پله بوو و دووریا 11.6 كیلومه‌تران ژ باژێرێ (خۆى) و ب كوراتیا 10 كیلۆمه‌تران ژ روویێ ئه‌ردى روویدایه.
ژ لایه‌كێ دیڤه زه‌ره‌ر و زیانێن بیڤه‌له‌زێ، گه‌هشتینه برینداربوونا زێده‌تر ژ 200 كه‌سان. لدویڤ گوتنا موجته‌با خالیدى په‌یڤدارێ سه‌نته‌رێ هه‌وارهاتنا ل ته‌هران.
