ل ڤان رۆژێن بوری تۆپباران و بوردۆمانێن ئیران و تورکیا مەترسی ل سەر وهلاتی یێن دەڤەرێن سنۆری پەیدا کرییە و بڕیارە شاندەکێ پەرلەمانی سەرەدانا وان دەڤەران بکەت.
زێدان برادۆستی، ئەندامێ پەرلەمانێ کوردستانێ بۆ ئاژانسا خانی دیار کر” چەند رۆژە هەردو وەلاتێن و ئیران و تورکیا بەردەوام دەڤەرێن سنۆری یێن هەرێما کوردستانێ تۆپباران دکەن و ئەو تۆپباران بوویە ئەگەرێن زیانێن مادی بۆ خەلکێ وان دەڤەران و هژمارەکا پەرلەمانتاران داخواز کرییە لژنەکا پەرلەمانی شێوەکێ مەیدانی سەرەدانا وان دەڤەران بکەت و دووڤچوونا زیانێن تۆپباران و بوردۆمانا گوندێن سنۆری بهێتە کرن، هەر چەندە زیانێن گیانی نەبووینە، بەلێ زیانێن مادی هەبووینە و ترس بۆ وەلاتیان پەیداکرییه.
ناڤهاتی گۆت ژی” بڕیارە شاندەکێ پەرلەمانێ کوردستانێ سەرهدانا وان دەڤەرێن هاتینە تۆپباران کرن بکەت زیانێن وان بهێنە تۆمار کرن، چونکی نابیت خەلکێ وان دەڤەران هەر بترسڤە بژین و رۆژەکێ هیڤیا ژیانا خوە نەبن ژبەر مەترسی یێن تۆپبارانێ.
