سهرۆك وهزیرێن عیراقێ راگههاند، عیراق پێدڤى ب پێكئینانا حكومهتا نوو و بودجهیى ههیه، و دووپاتكر كو پێدڤییه لایهنێن سیاسى بۆ چارهسهركرنا ئاریشهیان ڤهگهرنه دیالۆگێ.
سهرۆك وهزیرێن عیراقێ مستهفا كازمى ژ چارچووڤێ پشكداریكرنێ د رێورهسمێن دانانا بهرێ بنیاتى یێ پێكڤه گرێدانا كارهبا عیراق و ئوردنێدا گوتارهك پێشكێشكر و راگههاند، ئهڤ حكومهته د رهوشا سیاسى یا خرابدا دبووریت و رهوشا ئهوێ یا دارایى ژى ژبهر نهبوونا بودجهیى خرابتر لێهاتییه، لهوما دڤێت ئهڤ رهوشا هلاویستى بهێته چارهسهركرن و دووماهى پێ بهێت.
سهرۆك وهزیرێن عیراقێ دووپاتى ل ئهوێ چهندێ كر، چارهسهرییا گونجاى ئهوه كو ههموو لایهن ڤهگهرنه دیالۆگێ و ناكۆكییان بدهنه لایهكى و دووماهییێ ب ئاریشهیێن سیاسى بینن، و ئاماژه ب هندێ دا، ئهو نوونهرێن ئێك وهلاتن و دشیانێن ئهواند ههیه هاریكارییا ئێك و دو بۆ تێگههشتنهكا باشتر و رێككهڤتنێ ل سهر خالێن ناكۆك ل ژێر بهرپرسیارییێن نیشتیمانى و مێژویى بكهن.
