ل روینشتنا دوهی رۆژا شەمبی یا پەرلەمانێ عیراقێ كۆ تێدا بۆردومانێن ئیرانێ ل سەر هەرێمێ هاتنە گۆتوبێژكرن، بریار هاتەدان هەردوو لیژنێن ئاسایش و بەرگری و لیژنا پەیوەندییێن دەرڤە سەرەدانا جهێ بۆردومانان بكەن ژبۆ هەلسەنگاندنا زیانان.
هەتا نوكە پترییا پەرلەمانتارێن عیراقێ ئیدانا هێرشا مووشەكی یا ئیرانێ و توركیا بۆ سەر ئاخا هەرێما كوردستانێ كرییە، پشكەكا وان ژی داخوازا هەلویستێن توند ژ حكومەتا عیراقێ دكەن و دبێژن، عیراقێ چەندین كارتێن ب هێز ل دژی وان هەردوو وەلاتان هەنە یێن سەروەرییا ئاخا وێ پێشێل دكەن و پێدڤی یە ل دژی وان بكاربینیت.
سەگڤان یوسف، جێگرێ سەرۆكێ لیژنا ئاسایش و بەرگرییێ ل پەرلەمانێ عیراقێ راگەهاند، شاندەكێ پەرلەمانێ عیراقێ دێ پشكدارییێ د كۆمبوونا پەرلەمانێ ناڤدەولەتی دا كەت و بابەتێ هێرشێن ئیرانێ ل وێرێ ژی دێ هێتە گۆتوبێژكرن.
