<h2>وه‌زاره‌تا ده‌رڤه یا ئه‌مریكا داخواز ژ لایه‌نێن سیاسى یێن عیراقى دكه‌ت، ب رێكێن ئاشتیانه دانوستاندنێ بكه‌ن، داكو وه‌لات ژ ئالوزیێن سیاسى ده‌ركه‌ڤیت و دوپات ژى كر، توندوتیژى ناهێته قه‌بیلكرن.</h2> <h2>نێد پرایس، په‌یڤدارێ وه‌زاره‌تا ده‌رڤه یا ئه‌مریكا راگه‌هاند، پشتى ساله‌كێ ژ ده‌نگدانێن جڤاتا نونه‌ران، پێتڤیه حكومه‌ته‌ك هاتبا پێكئینان و داخوازیێن گه‌لێ عیراقێ به‌رچاڤ وه‌رگرتبان، به‌لێ تا نوكه سه‌ركردێن سیاسى یێن عیراقێ نه‌شیاینه ناكوكیێن سیاسى چاره‌سه‌ربكه‌ن.</h2> <h2>په‌یڤدارێ وه‌زاره‌تا ده‌رڤه یا ئه‌مریكا دیار ژى كر، توندوتیژى ناهێته قه‌بیلكرن و داخواز ژ لایه‌نێن عیراقێ دكه‌ت، رێكێن ئاشتیانه ژبو ده‌رچوونا وه‌لاتى ژڤان ئالوزیێن سیاسى بكاربین.</h2> <h2>ل 10ى چاریا ئێكێ یا 2021، هه‌لبژارتنێن جڤاتا نونه‌رێن عیراقێ هاتنه ئه‌نجامدان كو 3249 كاندید بۆ 329كورسیكان هه‌ڤركى دكر.هه‌روه‌سا 8 ملیۆن ده‌نگده‌ران ل سه‌رانسه‌رى عیراقێ پشكدارى تێدا كربوو.</h2>
