ئه‌ندامێ لژنه‌یا ب رێڤه‌برنا هه‌لبژارتنێن كونگره‌یێ 14ێ یێ پارتى بۆ ئاژانسا خانى دیاركر، پرۆسه‌یا هه‌لبژارتنان ب ئاموژگارى و شیره‌تێن سه‌رۆك بارزانى ب سه‌ركه‌ڤتییانه هاته برێڤه‌برن، و نوكه به‌رهه‌ڤى بۆ درووستكرنا ناسنامه‌یێن نوونه‌ران و به‌ستنا كونگره‌یى دهێنه‌كرن.
ئه‌ندامێ لژنه‌یا ب رێڤه‌برنا هه‌لبژارتنێن كۆنگره‌یێ 14ێ یێ پارتى ئیحسان ئامێدی ئاشكراكر، ل 15-6-2022ێ بریارا پێکئینانا لژنه‌یا هەلبژارتێن نوونەرێن كونگره‌یێ ێ14 یێ پارتی دیموکراتی کوردستان دەرکەڤت، ژ ئه‌وى ده‌مى و تا ئەڤرڤ چەندین كۆمبوون دگەل رێزدار جەنابێ سەروک بارزانی و مەکتەبا سیاسی یا بەرێز هاتن کرن و ل دووڤ رێنما و شیرەت و ئاموژگاریێن بەرێز جەنابێ سەرۆکی، پروسا هەلبژارتنان ب سه‌ركه‌ڤتییانه ژ 8/27 تا 2022/10/12 هاتە بجهئینان، و نوکە به‌رهه‌ڤى دهێنەکرن بۆ درووستکرنا ناسنامێن نوونەران، بۆ هندێ ل پایزا ئەڤ سالە کونگرە بهێتە بەستن.
ئیحسان ئامێدى گوت ژى: لژنه‌یا به‌رهه‌ڤییان جهێ به‌ستنا کونگره‌یى ده‌ستنیشانكرییه، و ئه‌و وەکو ئەندامێ لژنا هەلبژاردنا پشکداربوو ل هەموو ئه‌وان کومبونان و برێڤەبرنا پروسا هەلبژاردنا ل لقێن 14 و 17 ل مووسل و لق5 ل بەغدا ولق9 ل ئاکرە و لقێن 16 و 2 ل هەولێرێ، براستی کارەکێ پیروز و دلڤەکەربوو، ب تایبه‌ت كو ئه‌وان هەڤال و رێکخستنێن پارتی ب گەرم و گور پشکداری هەلبژارتنان بوون و کومەکا هەڤالێن هێژا بوونە نوونه‌رێن کونگرەی، ل هیڤیا ئەنجامدانا کونگرەی ل دەمێ دیارکری دا و سەرکەڤتنەکا دی یا مەزن بو پارتی بهێتە تۆمارکرن، و ل حه‌فتییا ئێكێ یا هه‌یڤا بهێت كونگره دێ ل دهۆكێ هێته به‌ستن.
