سهرۆك وهزیرێن راسپاردى بۆ پێكئینانا حكومهتێ د تویتهكیدا سوزدا دژایهتیكرنا گهندهلییێ بكهت و ل دۆر دیارنهمانا زێدهتر ژ دو ملیار و 500 ملیۆن دۆلاران دبێژیت : ئهو رێكێ ب دزینا پارهیێ عیراقییان نادهن.
محهمهد شیاع سوودانى سوزدا دوڤچوونا دزین و دیارنهمانا سێ تریلیۆن و 700 ملیار دینارران كو دبنه ( دو ملیار و 500 ملیۆن دۆلار ) بكهت و گوت : چ جاران كێم خهمییێ دبهرهنگاربوونا گهندهلییێ دا ناكهن، كو ب شێوهیهكێ گهلهك خراب ل دهزگههـ و دامهزراوهیێن دهولهتێ دهێته كرن.
ل دۆر ئهڤێ كهیسێ سوودانى دیاركر، ئهو كهیسه ل پێشییا كارێ ئهوان هاتییه دانان، و رێگێ ب دزینا پارهیێ عیراقییان نادهن، ههروهكو ئهوا ل دهستهیا گشتییا باجهیان ل بانكا رافیدهین رووداى.
پشتى بهلاڤبوونا دهقێ نامهیا دهست ژ كاركێشانا وهزیرێ نهفتێ ژ پۆستێ وهزیرێ دارایى ب وهكالهت كو پێشكێشى سهرۆك وهزیرێن كاربرێكهر كرى و تێدا بهحس ل دزینا ئهوى كوژمێ پارهی كرى، نوكه ئهو كهیسه بوویه مژارا گهرم یا عیراقییان.
ل دووڤ نامهیا وهزیرێن نهفتێ، پرۆسهیا دزینا ئهوان دو ملیار و 500 ملیۆن دۆلاران دناڤبهرا ئێكى ئهیلولا 2021ێ ههتا 15ى تهباخا 2022ێدا بوو، و ئهو وهزیره دبێژیت : چ بزاڤ بۆ رێگرتنێ ژ دزینێ و ڤهگهراندنا ئهوى پارهى نههاتینهكرن، و ئهو دزییه یا ئاشكرا و ب شێوهیهكێ روونبوو.
