ژ ئەگەرێ بوردۆمانێن تورکیا ژنەک برینداربوو

ئاژانسا خانی ، تایبەت:

ژ ئەگەرێ بوردۆمانا فڕۆکێن بێفڕۆکەڤانێن تورکیا ل ناحیا سیدەکان یا سەر ب قەزا سۆران ڤە ژنەک بریندار بوو رێڤەبەرێ ناحییێ ژی ئاشکرا کر، ل نیڤرۆ وەرە بوردۆمانێ دەستپێکرییە.

ئێحسان چەلەبی، رێڤەبەرێ ناحیا سیدەکان بۆ ئاژانسا خانی دیار کر” ئەڤرۆ لەشکەرێ تورکیا دەڤەرێن سنوری ل ناحیا سیدەکان یا سەر ب قەزا سۆران بوردۆمان کرن و د ئەنجامدان ژنەکا ٣٠ سالی ب ئەگەرێ بوردۆمانا فڕۆکێن بێفڕۆکەڤان برینداربوویە و ھاتییە ڤەگوھاستن بۆ نەخۆشخانا ھەوار ھاتنێ، ئه‌و ژنه‌ ئاکنجییا سەنتەرێ ناحیا سیدەکانە و ب سەره‌دان چوویە دەڤەرا لۆلان یا سەر ب سیدەکان ڤە و برینداربوویە.

ناڤهات گۆت ژی” ئەڤرۆ لەشکەرێ تورکیا دەست ب بوردۆمانکرنا دەڤەرێن سەر ب ناحیا سیدەکان کرییە و ھەتا نوکە چەندین دەڤەر بووینە ئارمانجا بوردۆمانێن لەشکەرێ تورکیا” ب بەھانەیا ھەبوونا بنگەهـ و بارەگایێن چەکدارێن پەکەکێ ل دەڤەرێ.