دەستهەلاتێن سەرۆككۆمارێ عیراقێ د هەژمارەكا برگە و مادێن دەستوورێ هەمیشەیی یێ سالا 2005ێ یێ عیراقێ دا هاتینە بەحسكرن، ژوان ژی مادێن ( 58، 60، 61، 64، 73، 78، 81 ).
دەستهەلاتێن سەرۆككۆمارێ عیراقێ:
– پاراستنا دەستوورێ عیراقێ و سەربەخۆیی و ئێكەتی و سەلامەتییا ئاخا وێ.
– داخوازا كۆمبوونێن نەئاسایی ژ جڤاتا نوینەران بۆ بابەتەكێ گرنگ كو ل سەر ئاستێ عیراقێ یان ئاستێ ناڤدەولەتی رووبدەت.
– داخوازا درێژكرنا وەرزێ یاسادانانا عیراقێ د دەمەكی دا كو ژ هەیڤەكێ زێدەتر نەبیت.
– پێشكێشكرنا پرۆژە یاسایان.
– پێشكێشكرنا داخوازییێ بۆ جڤاتا نوینەران بۆ وەرگرتنا باوەرییێ ژ سەرۆك وەزیران.
– پەسەندكرنا داخوازا سەرۆك وەزیران ل دۆر هەلوەشاندنا پەرلەمانی.
– بانگهێشتكرن بۆ هەلبژارتنێن پێشوەخت ئەگەر جڤاتا نوینەران خوە هەلوەشاند.
– راسپاردنا مەزنترین فراكسیۆنا پەرلەمانی بۆ پێكئینانا حكومەتێ.
– بجهئینانا ئەركێن سەرۆك وەزیری ئەگەر پۆستێ وی یێ خالی بیت.
– دشێت لگەل سەرۆك وەزیران پێشنیارا هەمواركرنا دەستووری بكەت و ددەمێ حەفت رۆژان دا پەسەندبكەت.
– دەركرنا لێخۆشبوونا تایبەت ل سەر راسپاردا سەرۆك وەزیران ژبلی وان دۆسەیێن پەیوەندی ب مافێن تایبەت ڤە هەی، ل گەل ئەوێن ب تاوانێن ناڤدەولەتی و تیرۆرێ و گەندەلییا دارایی و كارگێری هاتبنە سزادان.
– پەسەندكرنا پەیماننامە و رێكەفتننامەیێن ناڤدەولەتی پشتی پەسەندكرنا وان ژلایێ جڤاتا نوینەران ڤە.
– پەسەندكرنا ئەوان یاسایان یێن جڤاتا نوینەرێن عیراقێ پەسەند دكەت.
– بانگهێشتكرنا جڤاتا نوینەرێن هەلبژارتی بۆ كۆمبوونێ ددەمێ 15 رۆژان دا پشتی پەسەندكرنا ئەنجامێن هەلبژارتنان.
– بەخشینا مەدالی و نیشانان ل سەر راسپاردەیا سەرۆك وەزیران.
– قەبویلكرنا بالیۆزان.
– دەركرنا مەرسوومێن كۆماری.
– پەسەندكرنا حوكمێن ل سێدارەدانێ كو ژلایێ دادگەها تایبەتمەندڤە دهێنە دەركرن.
