مارك برایسۆن بالیۆزێ بریتانیا ل عیراقێ راگههاند، ئهڤرۆ دگهل مهسرور بارزانى سهرۆكێ حكومهتا ههرێما كوردستانێ كۆمبوو و د دیدارهكێدا ههڤخهمییا بریتانیا بۆ قوربانییێن هێرشا 28ى ئیلونێ و رۆژێن دى دووپاتكر.
مارك برایسۆنى د كۆمبوونێدا بۆ مهسرور بارزانى دووپاتكر كو بریتانیا پشتهڤانییا سهروهرییا ئاسایشا ههموو عیراق و ههرێما كوردستانێ دكهت.
بالیۆزێ بریتانیا ل عیراقێ سهبارهت هێرشێن 28ى ئیلۆنێ و رۆژێن دووڤدا گوت: ئهڤه بهشهكه ژ شێوازێ دووبارهبوونا ئیرانێ بۆ چالاكییێن نهسهقامگیر ل دهڤهرێ.
رۆژا 28ى ئیلونا 2022ێ لهشكهرێ پاسدارێن ئیرانێ زنجیرهیهكا هێرشێن ئاسمانى ل سهر بنگههـ و بارهگایێن حزبێن رۆژههلاتى ل ههرێما كوردستانێ كر، و ب ئهگهرێ ئهوان هێرشان 18 كهسان گیانێ خوه ژ دهستدا.
