سهرۆكێ ههرێما كوردستانێ ل ههولێرێ پێشوازى ل بالیۆزێ بریتانیا ل عیراقێ كر و گوت : گرنگه حكومهتا نوو یا عیراقێ كارێن خوه یێن سهرهكى دهستنیشانبكهت و خزمهتگوزارى و دهرفهتێن كارى پێشكێشبكهت، ههروهسا دهرفهت ههیه هندهك ژ ئاریشهیێن وهلاتى چارهسهر بكهت.
ئهڤرۆ 18ى چریا ئێكێ یا 2022ێ نێچیرڤان بارزانى سهرۆكێ ههرێما كوردستانێ پێشوازى ل مارك برایسۆن ریچاردسۆن بالیۆزێ بریتانیا و شاندێ دگهلداكر، ل دۆر دووماهى پێشهاتان و پرۆسهیا سیاسى ل عیراقێ، ههلبژارتنا سهرۆككۆمارى، راسپاردنا سهرۆكوهزیران بۆ پێكئینانا حكومهتا نوو یا فیدرال هزر و بیر هاتنه لێكگوهارتن.
سهرۆكایهتییا ههرێما كوردستانێ دراگههاندنهكێدا دیاركر، نێچیرڤان بارزانى دووپاتكر، كو گرنگه حكومهتا نوو یا عیراقێ كارێن خوه یێن سهرهكى دهستنیشانبكهت و خزمهتگوزار و دهرفهتێن كارى پێشكێش بكهت، و دهرفهت ژى ههیه هندهك ژ ئاریشهیێن وهلاتى چارهسهر بكهت.
رهوشا نافخۆ یا ههرێما كوردستانێ تهوهرهكێ دى یێ كۆمبوونێ بوو، تێدا دووپاتى ل گرنگییا پاراستنا تهبایى و ئێك رێزییا دناڤبهرا لایهن و پێكهاتهیێن ههرێما كوردستانێدا هاته كرن، ههردو لایهن ل سهر هندێ دههڤرابوون كو دبوارێ دیموكراسیدا وهلاتێن دوست و كۆمهلگهها نێڤدهولهتى ژ نێزیك چاڤدێرییا عیراق و ههرێما كوردستانێ دكهن، و چاڤهرێ دكهن ئاستهنگ و ئاریشهیێن كهڤتینه درێكا ههلبژارتناندا چارهسهربكهن.
پهیوهندییێن عیراق و ههرێما كوردستانێ دگهل بریتانیا و دهرفهتا بهرفرههكرنا هاریكارییا ههڤپشك دناڤبهرا ئهواندا ب تایبهتى ل بیاڤێن كار و وهبهرهێنانێ، پهیوهندییێن عیراق و ههرێما كوردستانێ دگهل وهلاتێن جیران، رهوشا دهڤهرێ ب گشتى و چهند بابهتێن دى كو جهێ گرنگییێ بوون، دكۆمبوونێدا هاتنه بهحسكرن.
