ل زاخۆ وه‌لاتییه‌ك 25 هزار دۆلاران ژ خووشكا خوه‌ د دزیت و دهێته‌ گرتن

پۆلیسێن زاخۆ ده‌سته‌سه‌ركرنا دو كه‌سان راگه‌هاند كو به‌رى نوكه‌ 25 هزار دۆلار ژ ژنه‌كێ دزیبوون.

ئه‌ڤرۆ 18ى چریا ئێكێ یا سالا 2022ێ رێڤه‌به‌رییا پۆلیسێن زاخۆ ئاشكراكر، ئه‌وان وه‌لاتییه‌ك ده‌سته‌سه‌ركرییه‌ كو ب هاریكارییا هه‌ڤاله‌كێ خوه‌ 25 هزار دۆلار ژ خووشكا خوه‌ دزینه‌ و د ده‌مه‌كێ كێمدا ئه‌و پاره‌ هه‌موو مه‌زاختییه‌.

پۆلیسێن زاخۆ دراگه‌هاندنا خوه‌دا دانپێدانێن هه‌ردو تومه‌تباران ب ڤیدیۆ به‌لاڤكرییه، و ئاماژه‌ ب هندێ كرییه‌، تومه‌تبار ( ك.ع.ش ) كو دبیته‌ برایێ ئه‌وێ ژنا پارێن وێ هاتینه‌ دزین، دگه‌ل هه‌ڤاله‌كێ خوه‌ ب ناڤێ ( ص.ح.ر ) ب تومه‌تا دزیكرنێ و ب مادده‌یێ ( 444 ) ژ ‌قانوونا سزادانێ ب بریارا دادوه‌رێ دادگه‌ها لێكۆلینێ هاتینه‌ ده‌سته‌سه‌ركرن.

هه‌روه‌سا پۆلیسێن زاخۆ ئاشكراكر، پشتى كو ژنه‌كا ئێزیدى ب چه‌ندین سالێن كاركرنێ 25 هزار دۆلار كۆمكرین، به‌رى دوو هه‌یڤان ژلایێ برایێ ئه‌وێڤه‌ ژێ هاتینه‌ دزین.