زیرەک کەمال: حكومه‌تا نوو یا عێراقێ دێ بۆ چار سالان بیت

شرۆڤەکارەکێ سیاسی کو ھەڤدەم شیرەتکارێ سەرۆکێ ھەرێما کوردستانێیه‌ ئاشکراکر، حوکمەتا نوویا عێراقێ دێ بۆ چارسالێن داھاتی بیت و دبێژیت، زەحمەتە ھەلبژارتنێن بەروەخت بھێنە كرن.

زیرەک کەمال، شرۆڤەکارێ سیاسی بۆ ئاژانسا خانی دیارکر، حوکمەتا نوو یا عێراقێ زۆر زەحمەتە بێی پشکدارییا موقتەدا سەدرى سەر بگریت، بەلێ چارچووڤێ هه‌ماھەنگییێ بڕیاردایە حکومەتێ ب ھەر شێوەیەکێ ھەبیت پێک بینیت، حكومه‌تا نوو یا عێراقێ ژی دێ بۆدەمێ چار سالان بیت نەک بۆدەمێ سالەکێ وەکی ھندەک لایەنێن سیاسی دبێژن، ژبه‌ركو د دەمێ ئێک سالدا حوکمەت نەشێت چ کاران بکەت.

زیرەک کەمال گۆتژی: عێراق نەشێت جارەکا ھەلبژارتنێن بەروەخت بكه‌ت، ژبه‌ركو رەوشا عێراقێ یا جێگیر نینە و ئالۆزیێن سیاسی رێگرن، ھەلبژارتنێن بووری ژی ھەر د بەروەخت بوون ھاتینه‌ كرن، ب دیتنامن ھەلبژارتن چوو بۆ چار سالێن داھاتی بھێتە بڕێڤەبرن، ھەلبژارتن گۆھۆڕینان چێناکەن ل عێراقێ ئەگەر بھێت و ئالۆزی ژێ پەیداببن و بڕیار لسەر هه‌لبژارتنێن بەروەخت بھێتەدان ژی، دێ ھەمان ئەنجام ھەبن.