ل به‌لجیكا خرڤه‌بوونه‌ك بۆ پشته‌ڤانیكرنا خۆپیشاندانێن رۆژلاهه‌تێ كوردستانێ هاته‌ كرن

ل رۆژا 22ى چریا ئێكێ یا 2022ێ ناڤه‌ندا ره‌ڤه‌ندا كوردستانێ ل باژێرێ لیوڤن یێ به‌لجیكا خرڤه‌بوونه‌كا جه‌ماوه‌رى بۆ پشته‌ڤانیكرنا خۆپیشانده‌ران و ئیدانه‌كرنا ئه‌شكه‌نجه‌دانا زیندانیان و پشته‌ڤانییا مافێ ئازادێ ژنێن رۆژلاهه‌تێ كوردستانێ رێكخست.

دخرڤه‌بوونێدا چه‌ندین گوتار ب نوونه‌رایه‌تییا لایه‌نێن سیاسى و چالاكڤانێن مه‌ده‌نى و ره‌وشه‌نبیر و ره‌ڤه‌ندا كوردى ل به‌لجیكا ب تایبه‌ت ئه‌وێن باوه‌رى ب مافێن كوردان هه‌یى هاتنه‌ پێشكێشكرن.

رێكخستنا ئه‌ڤێ خرڤه‌بوونێ ژلایێ ناڤه‌ندا ره‌ڤه‌ندا كوردستان‌ ب هه‌ڤپشكى دگه‌ل ئێكه‌تییا ژنێن دیموكراتا كوردستانێ ، حزبا دیموكراتا كوردستانێ، رێكخراوا هیڤى، رێكخراوا ئاشتییا لیوڤن، سه‌رۆكێ ئێن ڤى ئایى لیوڤن كاریل مۆرتێر، ئه‌ندامێ باژێرڤانییا لیوڤن كاتلێین، هه‌روه‌سا راوێژكارا حزبا ئێن ڤى ئاى ئیلیزابێتڤه‌ هاتبوو سازكرن.