شیره‌تكاره‌كێ كازمى ل سه‌ر كه‌یسا دزینا 2.5 ملیار دۆلاران بۆ دادگه‌هێ هاته‌ گازیكرن

شیره‌تكارێ مسته‌فا كازمى سه‌رۆكوه‌زیرێن عیراقێ دێ بۆ لێكۆلینێ ل دۆر كه‌یسا دزینا2.5 ملیار دۆلاران ره‌وانه‌ى دادگه‌هێ هێته‌كرن.

هه‌یسه‌م جبوورى شیره‌تكارێ مسته‌فا كازمى سه‌رۆكوه‌زیرێن عیراقێ بۆ كاروبارێن دارایى و ئابوورى، كو ل خۆلا به‌رێ یا په‌رله‌مانێ عیراقێ سه‌رۆكێ لژنه‌یا دارایى یا په‌رله‌مانى بوو، دێ لێكۆلینێ ل دۆر كه‌یسا دزینا 2.5 ملیار دۆلاران ره‌وانه‌ى دادگه‌هێ هێته‌كرن.

رۆژا 19ى چریا ئێكێ یا 2022ێ جڤاتا بلند یا دادوه‌رییا عیراقێ دراگه‌هاندنه‌كێدا ئاشكراكربوو، دادگه‌ها لێكۆلینێن كه‌رخ ل به‌غدا بریاردایه‌ ئه‌ندامه‌كێ به‌رێ یێ په‌رله‌مانێ عیراقێ كو دلژنه‌یا دارایدا بوو ب تومه‌تا زیانگه‌هاندنا ئه‌نقه‌ست ب پاره‌یێ گشتى بۆ دادگه‌هێ بهێته‌ گازیكرن، ژبه‌ركو ئه‌وى ئه‌ندامى پێشنیاز كربوو خه‌رجكرنا سپارده‌یێن دارایى یێن كۆمپانییان به‌رى هووربینییان ژلایێ لایه‌نێن په‌یوه‌ندیدارڤه‌، بۆ ده‌سته‌یا گشتییا باجه‌یێ بهێنه‌ هنارتن.