<h3 style="text-align: justify;"><span style="font-size: 18pt;">په‌یڤدارێ حكومه‌تا هه‌رێما كوردستانێ د پرێسكۆنفرانسه‌كیدا دیاركر، چ راستى بۆ گیروبوونا مووچه‌ى نینه، چ لایه‌نێن فه‌رمى داخویانى ل سه‌ر ئه‌ڤى بابه‌تى نه‌داینه و ل ڤان نێزیكان خشته‌یێ به‌لاڤكرنا مووچه‌ى دێ هێته راگه‌هاندن.</span></h3> <h3 style="text-align: justify;"><span style="font-size: 18pt;">جووتیار عادل په‌یڤدارێ حكومه‌تا هه‌رێما كوردستانێ ل دۆر ده‌نگویێ گیروبوونا به‌لاڤكرنا مووچه‌یێ هه‌یڤا 10 ئاشكراكر، ئه‌وان وه‌كو حكومه‌ت و چ ژێده‌رێن دى یێن فه‌رمى نه‌گوتییه به‌لاڤكرنا مووچه‌ى دێ گیروبیت، ل ڤان نێزیكان خشته‌یێ به‌لاڤكرنا مووچه‌ى دێ هێته به‌لاڤكرن.</span></h3> <h3 style="text-align: justify;"><span style="font-size: 18pt;">و زێده‌تر گوت: به‌لاڤكرنا ده‌نگویێ گیروبوونا مووچه‌ى چ بنه‌ما بۆ نینن و نه‌یا فه‌رمییه، لایه‌نێن فه‌رمى بۆ ئه‌وى بابه‌تى وه‌زاره‌تا دارایى و حكومه‌تا هه‌رێما كوردستانێ نه.</span></h3> <h3 style="text-align: justify;"><span style="font-size: 18pt;">په‌یڤدارێ حكومه‌تێ ل دۆر به‌لاڤكرنا گازا سپى و بهایێ وێ دیاركر، ئاریشه‌یا وان بۆ به‌لاڤكرنا گازا سپى ئه‌وه كو حكومه‌تا عیراقێ نه‌هێلایه پالاوگه‌هێن نه‌فتێ ل هه‌رێما كوردستانێ بهێنه درووستكرن، شیانێن هه‌رێما كوردستانێ ژى دئه‌وى بیاڤیدا هاتینه دیاركر، به‌لاڤكرنا گازا سپى ل ده‌ڤه‌رێن چیاى ل ده‌ڤ حكومه‌تێ ئه‌وله‌ویه‌ت بوو، له‌وما دێ ل ئه‌وان ده‌ڤه‌ران ده‌ست ب به‌لاڤكرنێ هێته‌كرن، ئه‌وان رێككه‌ڤتن بۆ هنارتنا گازا سپى دگه‌ل حكومه‌تا عیراقێ هه‌یه، لێ بمخابنیڤه عیراق ئێك به‌رمیلا گازێ ل ده‌ڤه‌رێن باشۆر و ناڤه‌راستا عیراقێ ب 30 هزار دیناران لسه‌ر وه‌لاتییان به‌لاڤدكه‌ت، لێ بۆ خه‌لكێ هه‌رێما كوردستانێ ب 150 هزار دیناران دهنێریت، بۆ هه‌ر لیتره‌كێ 750 دینار هژمارتینه.</span></h3>
